ULUTAGA LEVU | MATANITU NI KALOU—CAVA ME BIBI KINA VEI IKO?
Matanitu ni Kalou—Cava me Bibi Kina Vei Iko?
O sa na rairai dikeva ena rua na ulutaga sa oti nira kauaitaka vakabibi na iVakadinadina i Jiova na Matanitu ni Kalou. De dua o na rairai kauai ena veivakalougatataki ni Matanitu ni Kalou sa veivosakitaki mai. Ena gauna vata qori, o na rairai vaqaqa ke na yaco dina na vosa ni yalayala qori.
E ka vakayalomatua mo qarauna mo kua ni vakabauta na ka kece o rogoca. (Vosa Vakaibalebale 14:15) Qori sara ga na ka era cakava na kai Peria makawa. * Era sega ni ciqoma na itukutuku vinaka ni Matanitu ena imatai ni gauna e vakasavui kina vei ira baleta wale ga nira vinakata me yaco dina. Ia era vakadikeva vakaivolatabu “mera vakadeitaka kina se dina na ka era rogoca se sega.” (Cakacaka 17:11) Se era veidutaitaka na ka era rogoca kei na ka e tukuna na iVolatabu. Toso na gauna, era vakadinata ni itukutuku vinaka era rogoca e yavutaki sara ga mai na Vosa ni Kalou.
Era uqeti iko na iVakadinadina i Jiova mo cakava tale ga qori. Keimami sureti iko mo vulica wale na iVolatabu, mo veidutaitaka na neimami vakabauta me baleta na Matanitu ni Kalou kei na ka e vakavulica na iVolatabu.
Na nomu vulica tale ga na iVolatabu ena saumi kina eso na taro bibi me baleta na bula.
-
Eda vu mai vei?
Koya e bibi duadua, nomu vulica na iVolatabu ena ‘vakavolekati iko vua na Kalou.’ (Jemesa 4:8) Io, na nomu veivolekati ga kei na Kalou o na raica ni na yaga vei iko na ka ena cakava na Matanitu ni Kalou, sega wale ga ena gauna qo, ia me tawamudu. Ni kaya mada ga o Jisu ena nona masu vei Tamana: “Ena rawata na bula tawamudu o koya e vulica tiko ga na veika e baleti kemuni na Kalou dina duadua ga, kei Jisu Karisito oni tala mai.”—Joni 17:3.
^ para. 4 Na koro o Peria e toka ena koro makawa o Masitonia.
Rawa ni o Wilika Tale ga
IVOLA & BROCHURE
Eda na Raica e Vei na iSau ni Taro Bibi me Baleta na Bula?
O na vaqara na kena isau ena vakadidike vakasaenisi, na vuku vakavuravura se iVolatabu?
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
