Amasuko ku Mepusho ya mu Baibolo
Mulandu nshi tulingile ukupepela ukuti Ubufumu bwa kwa Lesa bwise?
Bushe kuti mwatemwa ukwishibilapo na fimbi pa Bufumu bwa kwa Lesa na pa fyo bukacita?
Ubufumu bwa kwa Lesa buteko ubwa ku muulu. Yesu aebele abasambi bakwe ukulapepa ukuti Ubufumu bwa kwa Lesa bwise pantu e bukabwesesha ubulungami no mutende pano calo. Imitekele ya bantu te kuti ifumyepo ubunkalwe, ulufyengo, nelyo amalwele, lelo Ubufumu bwa kwa Lesa bukafumyapo fyonse ifi. Lesa asala Umwana wakwe, Yesu, ukuba Imfumu. Yehova alisala na basambi ba kwa Yesu bamo abakalateka pamo na Yesu muli ubu Bufumu.—Belengeni Luka 11:2; 22:28-30.
Nomba line, Ubufumu bwa kwa Lesa bukonaula bonse abakaanya ukuteka kwakwe. Kanshi nga tulepepa ukuti Ubufumu bwa kwa Lesa bwise ninshi tulelomba ukuti ubuteko bwa kwa Lesa bukafumyepo amabuteko yonse aya bantu.—Belengeni Daniele 7:13, 14; Ukusokolola 11:15, 18.
Mulandu nshi abantu bakalaikalila bwino ilyo Ubufumu bwa kwa Lesa bukalateka?
Yesu e walinga ukuba Imfumu pantu alalangulukilako abantu. Apo Mwana wa kwa Lesa, alikwata na maka ya kwafwa bonse abafwaya ukuti Lesa abafwe.—Belengeni Amalumbo 72:8, 12-14.
Ilyo Ubufumu bwa kwa Lesa bukalateka, abantu bonse abapepa ukuti bwise kabili abekala ukulingana no kufwaya kwa kwa Lesa bakalaikala bwino. Nga mwasambilila pa fyo Baibolo ilanda pa Bufumu bwa kwa Lesa, tamwakatale amulanguluka.—Belengeni Luka 18:16, 17; Yohane 4:23.
Nalimo Kuti Mwatemwako ne fi
AMASUKO KU MEPUSHO YA MU BAIBOLO
Finshi Ubufumu bwa kwa Lesa Bukacita?
Sambilileni ifyo ubuteko bwa kwa Lesa bukacita ilyo bukalateka aba pa calo.
ULUPUNGU LWA KWA KALINDA
Ubufumu bwa kwa Lesa
Ni mwe mwingasanga icasuko.
