Macokio ma Ciũria cia Bibilia
Twagĩrĩire kũhoya Ũthamaki wa Ngai ũke nĩkĩ?
Hihi no wende kũmenya makĩria ũhoro wĩgiĩ Ũthamaki wa Ngai na maũndũ marĩa ũkaahingia?
Ũthamaki wa Ngai nĩ thirikari ya igũrũ. Jesu eerire arũmĩrĩri ake mahoyage Ũthamaki ũcio ũke tondũ nĩ ũgacokia thayũ na ũthingu gũkũ thĩ. Gũtirĩ thirikari ya mũndũ o na ĩrĩkũ ĩngĩhota kũniina biũ wĩki-naĩ, wagi wa kĩhooto o na kana mĩrimũ, ĩndĩ Ũthamaki wa Ngai no ũhote na nĩ ũgeeka ũguo. Ngai nĩ athurĩte Mũrũwe Jesu atuĩke Mũthamaki wa Ũthamaki ũcio. Ningĩ Jehova nĩ athurĩte gakundi ka arũmĩrĩri a Jesu nĩguo magaathana hamwe nake Ũthamaki-inĩ wake.—Thoma Luka 11:2; 22:28-30.
Ica ikuhĩ, Ũthamaki wa Ngai nĩ ũkweheria arĩa othe makararagia wathani wa Ngai. Kwoguo, kũhoya Ũthamaki wa Ngai ũke nĩ kũũria Ũthamaki ũcio weherie thirikari ciothe cia andũ.—Thoma Danieli 7:13, 14; Kũguũrĩrio 11:15, 18.
Nĩkĩ Ũthamaki wa Ngai nĩ ũkaaguna andũ?
Jesu nĩwe Mũthamaki ũrĩa wagĩrĩire mũno makĩria tondũ nĩ mũigua tha. Arĩ mwana wa Ngai, nĩ arĩ hinya wa gũteithia andũ othe arĩa makayagĩra Ngai makĩenda ũteithio.—Thoma Thaburi 72:8, 12-14.
Ũthamaki wa Ngai nĩ ũkaaguna arĩa othe maũhoyagĩra ũke marĩ na ngoro theru, na arĩa othe matũũraga kũringana na wendi wa Ngai. Weruta ũrĩa Bibilia yugaga igũrũ rĩgiĩ Ũthamaki wa Ngai ndũkerira.—Thoma Luka 18:16, 17; Johana 4:23.
Icunjĩ Ingĩ Hihi Ũngĩenda Gũthoma
MACOKIO MA CIŨRIA CIA BIBILIA
Nĩ Maũndũ Marĩkũ Ũthamaki wa Ngai Ũkahingia?
Wĩrute maũndũ marĩa ũngĩĩrĩgĩrĩra kuona rĩrĩa Ũthamaki wa Ngai ũgaathana thĩini wa thĩ.
