Omapulo opaMbibeli a nyamukulwa
OMAPULO OPAMBIBELI A NYAMUKULWA
Omolwashike tu na okwiilikana Ouhamba waKalunga u uye?
Ino hala okulihonga shihapu kombinga yOuhamba waKalunga nosho yo osho tau ka ninga?
Ouhamba waKalunga oo epangelo lomeulu. Jesus okwa lombwela ovashikuli vaye va ilikane u uye molwaashi otau ka etifa ouyuki nombili kombada yedu. Kape na epangelo lopanhu tali dulu okuxulifa po filufilu ominyonena, okuhenouyuki ile omikifi, ashike Ouhamba waKalunga otau dulu notau ke shi ninga. Kalunga okwa hoolola Omona waye, Jesus, a ninge Ohamba yOuhamba oo. Okwa hoolola yo ongudu yovashikuli vaJesus va ka pangele pamwe naJesus mOuhamba. — Lesha Lukas 11:2; 22:28-30.
Mafiku, Ouhamba waKalunga otau ka katukila onghatu ovapataneki vepangelo laKalunga. Onghee hano, ngeenge hatu ilikana Ouhamba waKalunga u uye, ohatu indile epangelo laKalunga li pingene po omapangelo aeshe opanhu. — Lesha Daniel 7:13, 14; Ehololo 11:15, 18.
Omolwashike Ouhamba waKalunga tau ka etela ovanhu ouwa?
Jesus oku li Ohamba ya denga mbada molwaashi omunalukeno. E li Omona waKalunga, oku na yo eenghono dokukwafela aveshe ovo tava kongo ekwafo kuKalunga. — Lesha Epsalme 72:8, 12-14.
Ouhamba waKalunga otau ka etela ouwa aveshe ovo hava ilikana va mana mo u uye nohava kala metwokumwe nehalo laKalunga. Ito ke lipa oushima nande ngeenge owe lihongo osho Ombibeli tai ti kombinga yOuhamba waKalunga. — Lesha Lukas 18:16, 17; Johannes 4:23.
