Dwoko Penjo mag Muma
Ang’o momiyo onego walem mondo Pinyruodh Nyasaye obi?
Be diher ng’eyo weche momedore e wi Pinyruodh Nyasaye kod gik ma Pinyruodhno biro timo?
Pinyruodh Nyasaye en sirkal manie polo. Yesu nonyiso jolupne ni gikwa mondo Pinyruodhno obi nikech obiro kelo kuwe kod tim makare e piny. Onge sirkand dhano manyalo tieko chuth timbe mag gero, timbe ma ok kare kata tuoche, to Pinyruodh Nyasaye nigi nyalo mar tiekogi kendo obiro tiekogi. Nyasaye oseyiero Wuode, ma en Yesu mondo obed Ruoth mar Pinyruodhno. Bende, Jehova oseyiero jolup Yesu moko mondo gibi giloch gi Yesu e Pinyruodhno.—Som Luka 11:2; 22:28-30.
Pinyruodh Nyasaye chiegni kawo okang’ mar tieko jogo duto ma kwedo loch mar Nyasaye. Kuom mano, sama walemo mondo Pinyruodh Nyasaye obi, wakwayo mondo sirkal mar Nyasaye okaw kar sirkande duto mag dhano.—Som Daniel 7:13, 14; Fweny 11:15, 18.
Ang’o momiyo Pinyruodh Nyasaye biro konyo ji?
Yesu en Ruoth maber nikech en ng’at mang’won. Nikech en Wuod Nyasaye, en gi teko mar konyo joma ywak ka kwayo Nyasaye mondo okonygi.—Som Zaburi 72:8, 12-14.
Pinyruodh Nyasaye biro konyo jogo duto ma kwayo gi chuny madier mondo Pinyruodhno obi kod joma odak kaluwore gi dwaro mar Nyasaye. Ok ibi ywago ang’e kuom puonjori gima Muma wacho e wi Pinyruodh Nyasaye.—Som Luka 18:16, 17; Johana 4:23.
Samoro Inyalo Hero Magi Bende
DWOKO PENJO MA JI NIGO E WI MUMA
Ang’o ma Pinyruodh Nyasaye Biro Timo?
Ne gik ma pinyruodh Nyasaye biro timo ka ochako locho e piny.
OHINGA MAR JARITO
Pinyruodh Nyasaye Biro Konyi e Yore Mage?
Nitie gik ma in iwuon nyaka itim mondo Pinyruodhno okonyi.
