ITekiuajyo Dios se taixyekanalis tein moajsi iluikak. Jesús kinmachtij itatojtokakauan maj kitajtanikan Dios maj iTekiuajyo taixyekana nikan taltikpak, porin nejin kichiuas maj onka tein melauak uan yolseuilis. Nion se taixyekanalis nikan taltikpak ueli kiixpoloua tateuilis, tein amo melauak nion kokolismej, sayoj ke itaixyekanalis Dios kemaj ueli uan ijkon kichiuas. Dios kiixtalij ikonetsin Jesucristo maj taixyekana itech iTekiuajyo uan kiixpejpenak se oloch akin kichiuaj kemej Cristo maj iuan taixyekanakan. (Xikonixtajtolti Lucas 11:2, TNM, uan 22:28-30.)

Amo uejkaua, Tekiuajyot kinixpolos nochin akin kitauelitaj Dios. Yejua ika keman tiktajtaniaj maj taixyekanaki, tein melauj tiktajtanijtokej maj kinijkuani akin taixyekanaj nikan taltikpak uan maj yejuatsin taixyekana. (Xikonixtajtolti Daniel 7:13, 14 uan Apocalipsis 11:15, 18.)

Kemej Jesús teiknelijkej, nejon kichiua maj yejua se kuali taixyekankej kemej amo akin. Uan no, kemej iKonetsin Dios, kipia chikaualis tein ika kinpaleuis akin kitajtaniaj inepaleuil Dios. (Xikonixtajtolti Salmo 72:8, 12-14.)

Nochin akin kitakamatij itanauatiluan Dios uan tajtanij ika nochi ininyolo maj taixyekanaki iTekiuajyo Dios kiseliskej miak tatiochiualismej. Xionmomachti tein Biblia kijtoua ika nejon taixyekanalis. Amo keman tikonnemilis ke nenkaj tein tikonchiuak. (Xikonixtajtolti Lucas 18:16, 17 uan Juan 4:23.)