Pregunta Cu Bijbel Ta Contesta
Dicon nos mester pidi den oracion pa e Reino di Dios bin?
Bo kier sa mas tocante e Reino di Dios y tur loke e lo haci?
E Reino di Dios ta un gobierno celestial. Hesus a bisa su siguidornan pa pidi den oracion pa e Reino bin pasobra lo e restaura paz y husticia riba Tera. Niun gobierno humano no por caba completamente cu violencia, inhusticia of maleza, pero e Reino di Dios si por y lo e haci esey tambe. Dios a scoge su Yiu, Hesus, pa bira Rey di e Reino ey. Jehova a scoge tambe un grupo di siguidor di Hesus pa goberna hunto cu ne den e Reino.—Lesa Lucas 11:2; 22:28-30.
Pronto, e Reino di Dios lo caba cu tur esnan cu ta opone e gobernacion di Dios. Pues, ora nos pidi pa e Reino bin, nos ta pidiendo pa e gobierno di Dios reemplasa tur gobierno humano.—Lesa Daniel 7:13, 14; Revelacion 11:15, 18.
Dicon e Reino di Dios lo beneficia hende?
Hesus ta e Rey ideal pasobra e tin compasion. Como Yiu di Dios, e tambe tin e poder pa yuda tur esnan cu ta roga Dios pa yudansa.—Lesa Salmo 72:8, 12-14.
E Reino di Dios lo beneficia tur esnan cu di curason ta pidi pa e bin y cu ta biba na harmonia cu Dios su boluntad. Hamas lo bo lamenta cu bo a siña kico Bijbel ta bisa tocante e Reino di Dios.—Lesa Lucas 18:16, 17; Juan 4:23.
You May Also Like
PREGUNTA CU BIJBEL TA CONTESTA
Kico e Reino di Dios Lo Haci?
Haya sa ki bendicion bo por spera ora e Reino di Dios ta goberna Tera.
E TOREN DI VIGILANCIA
Kico e Reino di Dios Lo Haci pa Bo?
E contesta ta depende di loke abo lo haci.
