Takgalhskinin xlakata Biblia
¿Tuku xlakata naskiniyaw Dios pi kamilh xTamapakgsin?
¿Tlakg katsiputuna xlakata xTamapakgsin Dios chu tuku natlawa kimpalakatakan?
Kʼakgapun wi xTamapakgsin Dios. Jesús kamasiyanilh kstalaninanin la natlawakgo oración xlakata namin xTamapakgsin kKatiyatni, uma natlawa pi naʼanan tuku xaʼakgstitum chu takaksni. Nipara chatum lataman tlan masputu tuku nitlan, tuku ni xaʼakgstitum chu tajatat, pero xTamapakgsin Dios tlan putum namasputu uma. Dios mapakgsina tlawanit xkgawasa Jesucristo chu kalaksaknit makgapitsi kstalaninanin xlakata natamapakgsinankgo. (Kalikgalhtawakga Lucas 11:2 chu 22:28-30.)
Nialh makgas, Tamapakgsin nakamasputu putum xtalamakgasitsin Dios. Akxni tlawayaw oración chu skinaw pi kamilh tamapakgsin, uma wamputun pi wanimaw Dios pi kawililh xtamapakgsin chu nialh wa latamanin. (Kalikgalhtawakga Daniel 7:13, 14 chu Apocalipsis [Revelación] 11:15, 18.)
¿Tuku xlakata xTamapakgsin Dios wa tuku tlakg tlan?
Xlakata Jesús kalakgalhaman latamanin, tlawa pi tlan mapakgsina nalitaxtu. Xlakata xKgawasa Dios, kgalhi litliwakga tlan nakamakgtaya tiku skinikgo tamakgtay xTlat. (Kalikgalhtawakga Salmo 72:8, 12-14.)
Putum tiku tlawa xlimapakgsin Dios chu skin xliputum xnaku pi kamilh xTamapakgsin, lhuwa tasikulunalin namakglhtinan. Kakatsini tuku masiya Biblia xlakata ama Tamapakgsin. Lu nalakgatiya. (Kalikgalhtawakga Lucas 18:16, 17 chu Juan 4:23.)
