Baabuiyo chɔm kpendekele maa mi Chiisu miŋgi wanaa vi wa yoomu. O cho lachoo le konalaŋ ndaŋ la cho le. Fondala la yɔŋnuŋ ndaŋ la cho, a teleŋ la yɔŋnuŋndo. Le tamaseliiyo, a sialteŋ o wɔsi 31 ve niŋ, boondii Chiisu ve, mi faŋga bɛndoo chaŋ a Chiisu latulu o chioo Kepaanɔm ma kua Neiŋ chiee. Mɛɛ nda fuuluu, ma komal faŋga cheleŋ nda lachi. O bɛnda ma laalaŋ fulasɛiniŋ yɔŋnuŋ vɛlɛ loŋndo kanifuule, o poonyiaŋ o Baabuiyo niŋ. Nduyɛ, mbo yɔŋnuŋ faŋga bɛndu koŋ kpou o hɔl.—Nuawɔ Luku 7:11-15.

Mi Chiisu soli vɛlɛ Lasalɔɔ chaaŋ ndɔ o sɛiyo niŋ, o ndoo vi niŋ le palɛi ihiɔɔlu wo. A nɔ ma laalaŋ kona cho a nyɛ Chiisu tosa paale leŋ ndo okɔɔ, kanifuule, mi wanaa bɔɔbɔɔ cha nyɛ yɔŋnuŋndo.—Nuawɔ Chɔŋ 11:39-45.

Nyɛiyii Chiisu ndoo nɔ le waŋnda ve tosa ni mbo miŋgi nda yoomu. Nduyɛ le chɔmndo maa Finya ndɔ, wana toosiaa yoomo wo, ke ndu kpaayaa piɔmndo choo.—Nuawɔ Chɔŋ 5:21, 28, 29.

Miŋgi Chiisu miŋgi hoo waŋnda yoomu wo ke naa tiindaŋndo le mɛila ndɔlaŋ o chilaŋ niŋ. O cho hunɔɔ wanaa faŋga faŋga miŋgi yoomu, wanaa sendu le wa bɛɛ, a sina kposoŋ a Mɛlɛka tonyaa okɔɔ le wa. A cho sɔla dioo le ma sina Chɛhowa Mɛlɛka, nduyɛ ma kaala ndu.—Nuawɔ Walta Wanaa Chiisuaa 24:15.