In tzaj tqʼamaʼnxix Tyol Dios qa e jaw anqʼin xjal tuʼn Jesús. Aju in tzaj tqʼamaʼn Tyol Dios nya noqx gan; in tzaj tqʼamaʼn jatumel bʼaj ex alkye ambʼil bʼaj. Jun techel tiʼj jlu, toj qʼijel te abʼqʼi 31 tiʼj ambʼil iqʼen quʼn jaʼlo, tej tikʼ bʼet Jesús toj Capernaum tuʼn tpon toj Naín, i ex lepeʼ nimku xjal tiʼj ex tej tpon, ateʼtoq txqantl xjal. Jaku tzʼok qeʼ tkʼuʼja tiʼj qa e jaw anqʼin xjal tuʼnju in tzaj tqʼamaʼn Tyol Dios ex tuʼnju nimku xjal ok kyqʼoʼn kywitz tiʼj aju ikʼ. (Uʼjinxa Lucas 7:11-15.)

Ax ikx jatz anqʼin Lázaro tuʼn Jesús, aju otoq tzikʼ kyaje qʼij tkyimlen. Jaku tzʼok qeʼ tkʼuʼja tiʼjju bʼant tuʼn Jesús toj qʼij aju tuʼnju ax ikx nimku xjal ok kyqʼoʼn kywitz tiʼj. (Uʼjinxa Juan 11:39-45.)

E jaw anqʼin nim xjal tuʼn Jesús tuʼnju tzaj qʼaqʼin tkʼuʼj kyiʼj. Ax ikx kubʼ tyekʼun qa tzaj tqʼoʼn ttat, aju Qʼol chwinqlal, tipumal te tibʼaj kyimen. (Uʼjinxa Juan 5:21, 28, 29.)

Tuʼnju e jaw anqʼin xjal tuʼn Jesús in tzaj tqʼuqbʼaʼn qkʼuʼj tiʼjju kbʼantel tuʼn toj ambʼil tzul. Che jawil anqʼin tbʼanel xjal tuʼn Jesús, axpe ikx qeju xjal mintiʼ ok kyojtzqiʼn Dios aju axix tok Dios. Kxel qʼoʼn ambʼil kye tuʼn tok kyojtzqiʼn ex tuʼn tok kykʼujlan Qman Jehová. (Uʼjinxa Hechos 24:15.)