Mibvunzo yeBhaibheri Inopindurwa
Ichokwadi here kuti Jesu akamutsa vakafa?
Jesu akamutsa Razaro uyo akanga ava nemazuva mana afa
Bhaibheri rinotaura zvakajeka kuti Jesu akamutsa vakafa. Nyaya idzodzo hadzisi ngano, asi zvinhu chaizvo zvinozivikanwa nguva yazvakaitika nenzvimbo yazvakaitikira. Somuenzaniso, muchirimo chegore ra31 C.E., boka guru revanhu rakafamba naJesu kubva kuKapenaume richienda kuNaini. Vachisvika ikoko vakasangana nerimwe boka revanhu. Unogona kubvuma kuti nyaya yekumutswa yakazoitika ndeyechokwadi nekuti yakanyorwa muShoko raMwari Bhaibheri, uye yakaitika vanhu vose ivavo vachiona.
Jesu akamutsawo shamwari yake Razaro uyo akanga ava nemazuva mana afa. Unogona kubvuma kuti nyaya yezvakaitwa naJesu zuva iroro ndeyechokwadi nekuti paiva nevanhu vakawanda vakazviona zvichiitika.
Nei Jesu akamutsa vakafa?
Jesu akamutsa vakafa nekuti ainzwira vanhu tsitsi. Akaitawo izvozvo kuti aratidze kuti akapiwa simba naBaba vake, Musiki weupenyu, rekuti amutse vakafa.
Kumutswa kwakaitwa vanhu naJesu kunoita kuti tivimbe nezvaakataura kuti achaita mune ramangwana. Achamutsa vanhu vakawanda kusanganisira vasina kururama vaisamboziva nezvaMwari wechokwadi. Vachapiwa mukana wokuti vazive uye vade Jehovha Mwari.
Zvimwe Zvaunogona Kufarira
MIBVUNZO YEBHAIBHERI INOPINDURWA
Zvinorevei Kuti Vakafa Vachamutswa?
Uchashamiswa pauchaziva kuti ndivanaani vachamutswa.
JESU—NZIRA NECHOKWADI NEUPENYU
Jesu Anomutsa Mwanakomana Weimwe Chirikadzi
Vaya vakaona chishamiso ichi vakanzwisisa zvachinoreva.
JESU—NZIRA NECHOKWADI NEUPENYU
Razaro Anomutswa
Zvinhu zviviri zvine chokuita nechiitiko ichi zvinoita kuti kunyange vanhu vari kupikisa Jesu vasakwanise kuramba kuti aita chishamiso ichi.
NHARIREYOMURINDI
Tinoziva Sei Kuti Vakafa Vachamuka?
Bhaibheri rinotipa zvikonzero zviviri zvinogutsa zvinoita kuti titende kuti vakafa vachamutswa.
