Apulilo Embimbiliya a Tambuluiwa
Anga hẽ Yesu wa pindula omanu?
Yesu wa pindula Lasaru okuti tunde eci a fa pa pitile ale oloneke vikuãla
Embimbiliya li lekisa okuti Yesu wa pindula omanu va fa. Ovolandu aco ocili momo, a lingiwila povitumãlo via kũlĩhĩwa kuenda vapuluvi a litepa. Vokuenda kuotembo yondombo yunyamo wa 31 K.K., owiñi walua wa kala oku linga ungende la Yesu oku tunda ko Kafarinau loku loña ko Naini. Eci va pitĩla, va sanga owiñi ukuavo. O pondola oku kolela kovolandu epinduko a pita kotembo yaco momo a sonehiwa Vembimbiliya, kuenda a lingiwila kovaso yolombangi vialua.—Tanga Luka 7:11-15.
Yesu wa pindulavo ekamba liaye Lasaru, okuti tunde eci a fa pa pitile ale oloneke vikuãla. O pondola oku tava kulandu weci Yesu a linga keteke liaco momo, ca muiwavo lolombangi vialua.—Tanga Yoano 11:39-45.
Momo lie Yesu a pinduila omanu?
Yesu wa pindula omanu omo liohenda a kuata. Eye wa ci lingavo oco a lekisa okuti Isiaye Ululiki womuenyo, wo wĩhile unene woku malako olofa.—Tanga Yoano 5:21, 28, 29.
Apinduko Yesu a linga, a tu vetiya oku kolela kolohuminyo a ka tẽlisa kovaso yoloneke. Eye o ka pindula omanu valua, oku kongelamo omanu vana havakuesungako okuti eci vafa, ka va kũlĩhĩle lacimue catiamẽla ku Suku. Ovo va ka kuata epuluvi lioku kũlĩha Yehova Suku kuenda oku lekisa ocisola kokuaye.—Tanga Ovilinga 24:15.
Ove o ka ci Sola
APULILO ATAMBULUIWA LEMBIMBILIYA
Epinduko li Lomboloka Nye?
Ove citava okuti o ka komõha poku mõla omunu wa pinduiwa.
YESU—ONJILA, OCILI HAEYE OMUENYO
Yesu o Pindula Omõla Ulume Wacimbumba
Vana va mola ocikomo Yesu a linga, va kuata elomboloko liaco.
YESU—ONJILA, OCILI HAEYE OMUENYO
Lasaru o Pinduiwa
Ovina vivali via velapo viulandu owu okuti, ka vi tẽlisiwa ndaño ovanyãli va Yesu ka va tava kocikomo.
UTALA WONDAVULULI
Elavoko Liomanu va fa— O ci Kolela ndati?
Embimbiliya li eca asunga avali a vetiya oku kolela kepinduko.
