Le Bibliaoʼ ku yaʼalikeʼ Jesuseʼ tu kaʼa kuxkíintaj máakoʼob. Leloʼ maʼ chéen tsikbaliʼ; ojéelaʼan tak tuʼux úuchi. Jeʼex tu jaʼabil 31, yaʼab máakoʼob múul binoʼob yéetel Jesús desde Capernaum tak Naín. Ka kʼuchoʼobeʼ tu yiloʼob yaʼabkach máakoʼob táan u biskoʼob juntúul kimen; le Bibliaoʼ ku yaʼalikeʼ kaʼa kuxkíintaʼab le kimenoʼ. Leloʼ jeʼel u páajtal a creertikeʼ tumen u Tʼaan Dios aʼalik, tsʼoʼoleʼ yaʼabkach máakoʼob il u yúuchul. (Xok Lucas 7:11-15.)

Jesuseʼ tu kaʼa kuxkíintaj xan Lázaro, u amigo, kex tsʼoʼok u máan kanpʼéel kʼiin kíimik. Jeʼel u páajtal xan k-creertikeʼ tumen yaʼab máakoʼob ile. (Xok Juan 11:39-45.)

Jesuseʼ tu kaʼa kuxkíintaj máakoʼob tumen tu chʼaʼaj óotsilil tiʼob. Tu beetaj xan utiaʼal u yeʼesikeʼ u Taata, le Máax tsʼáa le kuxtaloʼ, u tsʼaamaj páajtalil tiʼ tu yóokʼol le kíimiloʼ. (Xok Juan 5:21, 28, 29.)

Úuchik u kaʼa kuxkíintik máakoʼobeʼ Jesuseʼ tu yeʼesaj jach tu jaajil yaan u béeykuntik tuláakal baʼax u yaʼalmaj u beetik. Yaan u kaʼa kuxkíintik u millonesil máakoʼob, tak le kʼasaʼanoʼob maʼ kʼuch u kʼaj óoltoʼob Diosoʼ. Beyoʼ yaan u páajtal u kʼaj óoltikoʼob yéetel u yaabiltikoʼob Jéeoba Dios. (Xok Baʼaxoʼob 24:15.)