1, 2. Ja xëë mä Jesus jyukypyejky, ¿wiˈix tjotkujkmooy ja yˈëxpëjkpëty?

JA XËË mä Jesus jyukypyejky, jamë nety nimajtskë yˈëxpëjkpë nyëjkxtë mä tuˈugë käjpn diˈib myëjagamˈäjtypyë Jerusalén naa mäjktuˈuk kilometrën. Kyaj nety tnijawëdë pën të jyukypyeky ets axëëgë nety nyayjawëdë mä diˈib të tyuny të jyatyëty. Per ta ajotkumonë Jesus ojts pyuyoˈoyëdë, ets ta mëët tyëjkëdë käjpx maytyakpë ets jyotkujkmooyëdë. Tyuknijäˈäwëdë mä “tyimtsondaˈaky diˈibë Moisés jyaay es tëgekyë nëˈën ja Diosë kyugäjxpë tkëxjääytyë” (Luk. 24:13-15, 27). ¡Seguurë ko jantsy jotkujk nyayjäˈäwëdë ko yajxon yajtukmëtmaytyaktë Diosë yˈAyuk extëm mbäät tjaygyukëdë! (Luk. 24:32.)

² Ja nimajtskpë Jesusë yˈëxpëjkpë, ta jyëmbijttë tsuu jam Jerusalén. Ko nyaybyatë mët ja apostëlëtëjk, ta ttukmëtmaytyaktë, ets tamë nety myaytyäˈäktë ko Jesus kyëxëˈky. Ta nyayˈatsëˈkëdë ja apostëlëty ets kyaj tmëbëkandë pën jantsy yëˈë yˈijxtëbë Jesus. Perë Biiblyë nyigajpxypy wiˈixë Jesus jyotkujkmooyëdë ko “tyukjaygyujkëdë ja Diosë jyaaybyajtën” (Luk. 24:45).

3. 1) ¿Ti näˈäty xyaˈëxtëkëwäˈägäˈänëm mä nduˈunëmë Diosë tyuunk? 2) ¿Ti mbäät xypyudëjkëm parë kyaj nˈëxtëkëwäˈkëm?

³ Näˈäty, mbäät nnayjäˈäwëm mon tuk extëm nyayjäˈäwëdë ja Jesusë yˈëxpëjkpëty, oy xëmë njatuˈunëmë Diosë  tyuunk. Mbäät nˈëxtëkëwäˈkëm ko nˈijxëm kyaj oy wyimbëtsëmy (1 Kor. 15:58). Waˈan näägë jäˈäy diˈib nyaˈëxpëjkëm kyaj wyimbattë, o nääk tmastutnëdë Jyobaa. ¿Wiˈix mbäät nˈijxëmë Diosë tyuunk ets kyaj nˈëxtëkëwäˈkëm? Diˈib mbäät xypyudëjkëm, yëˈë ko yajxon njaygyujkëm ja ijxpajtën diˈibë Jesus myaytyak. Min nˈokˈijxëm ja tëgëëk ets tijaty xytyukniˈˈijxëm.

4. Nimaytyäˈäk ja ijxpajtën diˈibë Jesus pyëjtak mä ja nippë diˈib määp.

⁴ (Käjpxë Markʉs 4:26-29.) ¿Wiˈix nyikejy ja ijxpajtën mä ja nippë diˈib määp? Ja nippë yëˈë yˈandijpy tuˈuk tuˈugë käjpxwäˈkxpë ets ja tëëm yëˈë oybyë ayuk diˈib nyimaytyakypyë Diosë yˈAnaˈam Kyutujkën. Ja nippë “myanaxy, es oknëm pyëdeˈeky, es dëˈën nyaxy xëëny koots bom bom”. Per axtë ko dyajpëdëˈëky ja pyëjtaˈaky, jekyë tiempë nyaxy, pes oytyaˈagyëˈaampy “ja tëëmt myuxy es yony”. Nanduˈun jyaty parë tuˈugë jäˈäy wyimbatët mä Diosë tyuunk, wanaty wanaty wyimbety. Ko tuˈugë jäˈäy wyimbety, ta wyinmäˈäny tpëjtaˈaky tmëdunäˈänyë Dios, ets dyaky ja tyëëm ko nyaywyandaˈagyëty mä Jyobaa ets nyëbety.

5. ¿Tiko Jesus tpëjtakyë ijxpajtën mä ja nippë diˈib määp?

⁵ ¿Tiko Jesus tmaytyakyë tyäˈädë ijxpajtën? Yëˈë parë xytyukjaygyujkëm ko Jyobaa yëˈë yajˈyoompy ja tëyˈäjtënë mä jäˈäyë kyorasoon diˈib yˈoymyëdoodëp (Apos. 13:48; 1 Kor. 3:7). Ëtsäjtëm nnipëm ja tëëm ets nyajxoˈkëm, per kyaj mbäät peˈtypy nyajˈyoˈonëm. Duˈun extëm ja nippë kyaj tpëkyë kuentë wiˈix yony ja pyëjtaˈaky, nanduˈun ëtsäjtëm, mbäät kyaj nbëjkëmë kuentë wiˈixë jäˈäy wyimbety mä nnipëm ja Diosë yˈayuk. Per ko ja tiempë nyaxët, mbäädë tyëëm dyaky ko jyatët Dios mëduumbë ets mët nduunmujkëm mä ja pëjtaˈaky myuky (Fwank 4:36-38).

6. ¿Ti tsojkëp njaygyujkëm mä ja jäˈäy diˈib nyaˈëxpëjkëm?

⁶ ¿Ti xytyukniˈˈijxëmë tyäˈädë ijxpajtën? Myëduˈuk, yëˈë ko kyaj nmëdäjtëmë madakën parë tsojk nyajwimbajtëm ja diˈib nyaˈëxpëjkëm. Mbäät nbudëjkëm nuˈun nmadakëm, per ninäˈä mbäät mëktaˈaky ngaˈˈanmäˈäyëm parë nyëbatët. Tsojkëp njaygyujkëm ko këˈëm twinmayaˈany pën myëdunaambyë Dios o pën kyaj. Pesë Jyobaa yëˈë kyupëjkypy ko nnaywyandakëm mët ko ntsojkëm (Sal. 51:12; 54:6; 110:3).

7, 8. 1) ¿Tijaty xytyukniˈˈijxëm ja ijxpajtën mä ja nippë diˈib määp? Pëjtäˈäk tuˈugë ijxpajtën. 2) ¿Ti xytyukniˈˈijxëmë tyäˈädë ijxpajtën mä Jyobaa ets mä Jesus?

⁷ Myëmajtsk, pën njaygyujkëmë tyäˈädë ijxpajtën, ta xypyudëjkëm parë kyaj nˈëxtëkëwäˈkëm pën nˈijxëm ko kyaj yˈoybyëtsëmy diˈib njatuˈunëm. Tsojkëp nmaˈkxtujkëm (Sant. 5:7, 8). Pën ja jäˈäy diˈib nyaˈëxpëjkëm të njapudëjkëm nuˈun nmadakëm, per kyaj wyimbety, kyaj yëˈë tˈandijy ko kyaj oy nyaˈëxpëjkëm. Pesë Jyobaa ja jeˈeyë dyajmuxy ja tëëm mä jäˈäyë kyorasoon diˈib yujy tudaˈaky ets diˈib yajtëgatsaambyë jyukyˈäjtën (Mat. 13:23). Pääty kyaj mbäät nwinmäˈäyëm ko yëˈëyë tyukˈoybyëtsëëmbyë Diosë tyuunk diˈib kanäägë jäˈäy yajnëbejtypy. Jyobaa yëˈë yajtsobatypy nuˈun ja jot mëjää nbëjtakëm mä tyuunk, kyaj yëˈëjëty pën ndukˈoybyëtsëˈëmëm mä wiˈix ja jäˈäy tˈaxäjë ja tëyˈäjtën (käjpxë Lukʉs 10:17-20 etsë 1 Korintʉ 3:8).

 ⁸ Myëdëgëk pëky, yëˈë ko kyaj kyëxëˈëky wiˈixë jäˈäy tyëgatsy jyodoty wyinmäˈänyoty. Extëm nˈokpëjtakëm, tuˈugë misioneerë diˈibë nety yaˈëxpëjkypy tuˈugë kasäädë jäˈäy, ojts yˈanëˈëmxëdë ko nimajtsk nëjkxandëp käjpxwäˈkxpë. Ta tˈanmääy ko parë mbäät duˈun tyundë, tsojkëp tmastuˈuttëdë juˈuky. Duˈunyë ojts wyëˈëmë ja misioneerë ko yˈatsoowëdë ko tamë nety nyëjkxnë kanäk poˈo mä kyaj nyekyjyuˈuktë. ¿Ti pudëjkëdë? Yëˈko tnijäˈäwëdë ko Jyobaa kyaj tˈoyˈixy ko ti yajkuyuˈutsy ets ko mbäät yˈixëdë ko jyuˈuktë, ta twinmääytyë ti tyunandëp: juˈugandëp misioneerë winduuy o ninäˈä kyanekyjyuˈugäˈändë. Diˈib pudëjkëdë parë kyaj nyekyjyuˈuktët, yëˈko tsyojktëbë nety ogäˈänë Jyobaa. Ja misioneerë kyaj tpëjkyë kuentë ko të kujk yony ja tëëm.

9. ¿Wiˈix nyikejy ja ijxpajtën mä ja äjkxmäjtsn?

⁹ (Käjpxë Matewʉ 13:47-50.) ¿Wiˈix nyikejy ja ijxpajtën mä ja äjkxmäjtsn? Jesus ojts tˈijxkijpxyë extëmxyëp mejnyoty yajkujëduwë tuˈugë äjkxmäjtsn ko niˈamukë jäˈäy nduknijäˈäwëmë Diosë yˈAnaˈam Kyutujkën. Duˈun extëm tuˈugë äjkxmäjtsn tmatsy “kanäk naxë äjkx”, nanduˈunë Diosë yˈayuk tmëjwoy miyonkˈamë jäˈäy diˈib tsoˈondëp oymyääjëty (Is. 60:5). Ets nyigëxëˈëky ko mayë jäˈäy nyëjkxtë mä asamblee ets ko jëmëjt jëmëjt yajjamyetsyë Jesusë yˈoˈkën xëë. Nääk duˈun extëmë äjkxë “oyatypyë”, ets yëˈë diˈib tëjkëdëp mä Diosë kyäjpn. Perë wiinkpëty duˈun extëmë äjkx “diˈibë kyaj yˈoyëty”, ets kyaj Jyobaa kyupëkëdë.

10. ¿Tiko Jesus tpëjtakyë ijxpajtën mä ja äjkxmäjtsn?

¹⁰ ¿Tiko Jesus tmaytyakyë tyäˈädë ijxpajtën? Ja äjkx kyaj jaa yajwimbiy mä jyëjpkëxy ja mëk ayoˈon, jaa tmaytyaˈaky mä tyäˈädë tiempë diˈib jëjpkëxanëp. Jesus jyënany ko kyaj niˈamukë pënaty yˈoymyëdoodëbë tëyˈäjtën tpuwäˈägëyäˈändë Jyobaa. Nimayë jäˈäy të jyayoˈoytyë mä naymyujkën o të nyaˈëxpëjkëm, per kyaj tmëdunäˈändë Jyobaa (1 Rey. 18:21). Wiinkpëty kyaj yˈoknëjkxnëdë mä nduˈukmujkëm. Nan ta ënäˈktëjk diˈib të tmëmutskˈatëdë tëyˈäjtën, per kyaj tmëmëdowäˈändë Jyobaa yˈanaˈamën. Jesus ojts tnigajpxy ko niduˈuk niduˈuk mbäät nwinˈijxëm ti ndunäˈänëm. Pën nwinˈijxëm diˈib oy, ta nyajpatëm mä “tijaty tsuj mä tukëˈëyë nasionk” (Ageo 2:7).

11, 12. 1) ¿Wiˈix xypyudëjkëmë tyäˈädë ijxpajtën mä ja äjkxmäjtsn? 2) ¿Ti xytyukniˈˈijxëmë tyäˈädë ijxpajtën mä Jyobaa ets mä Jesus?

¹¹ ¿Wiˈix xypyudëjkëmë tyäˈädë ijxpajtën mä ja äjkxmäjtsn? Xypyudëjkëm parë kyaj nëgoo axëëk nnayjäˈäwëm ko ja diˈibë nyaˈëxpëjkëm tkamëdunëdë Jyobaa o ja uˈunk ënäˈk. Kyaj mbäät ti nduˈunëm oy nuˈun njatukmëtsojkëm. Ko tuˈugë jäˈäy tˈëxpëjktsondaˈagyë Biiblyë o të yeeky të pyety mä Diosë kyäjpn, kyaj yëˈë tˈandijy ko seguurë tmëdunäˈänyë Jyobaa. Pes pën kyaj tkuytyunäˈänyë Jyobaa yˈanaˈamën, kyaj mbäät jyaˈty extëm tuˈugë Dios mëduumbë.

¹² ¿Yëˈë tyäˈädë yˈandijpy ko pënaty të tmastuˈuttë Diosë kyäjpn kyaj mbäät nyekyjëmbity? ¿O pënaty kyajnëm nyaywyandaˈagyëty mä Jyobaa xëmë yaˈixäˈäny extëm ja äjkx “diˈibë kyaj yˈoyëty”? Kyaj. Pes awäˈäts ja tëjkˈää yˈity parë tyëkëdët axtë ko myinët ja mëk ayoˈon. Duˈunxyëp extëmë Jyobaa yˈanëˈëmxëdë: “Nijëmbijtëgëts, ets ta nanduˈun nijëmbittët miitsëty” (Mal. 3:7). Jesus nan ojtsë tyäˈädë tmaytyaˈaky ko  tpëjtaky jatuˈugë ijxpajtën, mä ja mixy diˈib nyijëmbijt ja tyeety (käjpxë Lukʉs 15:11-32).

13. Nimaytyäˈäk ja ijxpajtën mä ja mixy diˈib nyijëmbijt ja tyeety.

¹³ ¿Wiˈix nyikejy ja ijxpajtën mä ja mixy diˈib nyijëmbijt ja tyeety? Ja uˈunkteety diˈib paˈˈayoop, yëˈë yˈandijpyë nDeetyˈäjtëmë tsäjpotmëdë Jyobaa. Ets ja uˈunk diˈib yˈamdoopy ja kyumäˈäyën ets dyajkëjxtäˈäy, yëˈë pënaty të tmëjagamgaˈaktë Diosë kyäjpn. Duˈunxyëp extëm nyëjkxtë “jagam mä wiink naxwinyëdë” ko nyëjkxtë mä Satanás yˈaneˈemy diˈib jagam yajpatp mëdë Jyobaa (Éfes. 4:18; Kol. 1:21). Per ko tiempë nyaxy, ta nääk dyajtëkëdë jyot wyinmäˈäny ets jatëgok ttundë mëjää parë tnijëmbittë Jyobaa kyäjpn. Etsë Jyobaa, ta pyokymyaˈkxëdë xondaˈakyˈää xondaˈakyjyot, mët ko të tyudäˈäktë ets të jyodëmbittë (Is. 44:22; 1 Peed. 2:25).

14. ¿Tiko Jesus tpëjtakyë ijxpajtën mä ja mixy diˈib nyijëmbijt ja tyeety?

¹⁴ ¿Tiko Jesus tmaytyakyë tyäˈädë ijxpajtën? Parë dyaˈijxë ko Jyobaa tsyojkënyëˈajtypy nyijëmbitëdët pënaty të myëjagamgaˈagëdë. Ja uˈunkteety xëmë tˈawijxy ko ja näˈä ja yˈuˈunk jyëmbitët. Pääty ko tˈijxy “myinyëm jagam”, ta pëyeˈegyë ojts tninëjkxy parë ojts tˈagëˈë tˈaxäjë. Tyäˈädë ijxpajtën mëjwiin kajaa pyudëkëdë pënaty të tmastuˈuttë tëyˈäjtën parë tsojk tnijëmbittëdë Jyobaa. Mbäät kyaj oy nyekyyajpäättë Dios windum, tjawëdë tsoytyuˈun ets wyinmaytyë ko jantsy tsip jatëgok jyëmbittët. Per pën tyuundëbë mëjää parë jyëmbittët, ta jyamˈatäˈänyë xondakën tsäjpotm (Luk. 15:7).

15, 16. 1) ¿Ti xytyukniˈˈijxëm ja ijxpajtën mä ja mixy diˈib nyijëmbijt ja tyeety? Pëjtäˈägë ijxpajtën. 2) ¿Ti xytyukniˈˈijxëmë tyäˈädë ijxpajtën mä Jyobaa ets mä Jesus?

¹⁵ ¿Wiˈix xypyudëjkëmë tyäˈädë ijxpajtën mä ja mixy diˈib nyijëmbijt ja tyeety? Xypyudëjkëm parë nbanëjkxëmë Jyobaa yˈijxpajtën. Ko jyëmbitët tuˈugë jäˈäy mä Diosë kyäjpn, kyaj yˈoyëty nnayajnäjxëm “mëk wäˈäts jäˈäy”, tsojkëp tsuj yajxon nˈagëˈë nˈaxäjëm. Pes pën kyaj duˈun nduˈunëm, mbäät kyaj oy nekyˈijtëm mëdë Jyobaa (Ecl. 7:16). Ja tuk pëky diˈib xytyukniˈˈijxëm yëˈë ko pënaty myastuttëbë Diosë kyäjpn duˈun mbäät nˈijxëm extëmë borreegë diˈib të yoˈoytyëgoy, kyaj mbäät nwinmäˈäyëm ko të ninäˈä kyanekyjëmbity  (Sal. 119:176). Ko nbatëm tuˈugë jäˈäy diˈib të tmastuˈutyë Diosë kyäjpn per kyaj të yaˈëxkexy, ¿nbudëkëyäˈänëm mëdë oyjyot parë jyëmbitët? ¿Ndukˈawanëyäˈänëm ja mëjjäˈäytyëjk parë tpudëkët? Nëjkxëp duˈun nduˈunëm, pën të yajxon njaygyujkëm ets pën nguytyuˈunëmë tyäˈädë ijxpajtën diˈibë Jesus pyëjtak.

¹⁶ Näägë nmëguˈukˈäjtëm diˈibë nety yajpattëp extëm ja mixy diˈib nyijëmbijt ja tyeety, të tkukäjpxëdë ko Jyobaa të pyaˈˈayowëdë ets ko të pyudëkëdë ja naymyujkën. Extëm tuˈugë nmëguˈukˈäjtëm diˈib jëmbijt kyum 25 jëmëjt, jyënaˈany: “Mä juˈunëmëts njëmbity agujk jotkujkëts nnayjawëty tuˈuk tuˈugë xëë, pes dyoskujuyëmë Jyobaa xytyuknigajxpëtsë oyˈäjtën (Apos. 3:19). Niˈamukëts të xypyudëkëdë ets jantsy oyëts xyajnayjawëdë. Tyam nmëdäjtypyëts tuˈugë oybyë nfamilyë mä Diosë kyäjpn”. Jatuˈugë kiixy diˈib jëmbijt kyum mëgoxk jëmëjt, jyënaˈany: “Tsipëts nimaytyäˈägët wiˈixëts nnayjäˈäwë kojëts nˈijxy wiˈixë nmëguˈukˈäjtëm dyaˈixëdë tsojkën diˈibë Jesus myaytyak. Nimää duˈumbë lugäär kyayajpääty extëmë Jyobaa kyäjpn”.

17, 18. 1) ¿Tijaty xytyukniˈˈijxëmë tyäˈädë tëgëëkpë ijxpajtën? 2) ¿Wiˈixë net mbäät ja winmäˈäny nbëjtakëm?

¹⁷ ¿Tijaty xytyukniˈˈijxëmë tyäˈädë tëgëëkpë ijxpajtën diˈib të nˈijxëm mä tyäˈädë artikulo? Tuk pëky, ko kyaj nmëdäjtëmë madakën parë tsojk nyajwimbajtëmë jäˈäy diˈib nyaˈëxpëjkëm. Pes yëˈë patëbë Jyobaa. Myëmajtsk, kyaj mbäät nˈawijxëm ets niˈamukë jäˈäy diˈib miindëp mä naymyujkën o diˈib nyaˈëxpëjkëm, tmëdundëdë Jyobaa. Ets myëdëgëëk, xëmë mbäät nwinmäˈäyëm ko ja näˈä tnijëmbittëdë Jyobaa pënaty të myastuˈudëdë ets të ttukpëtsëëmduˈuttë kyäjpn. Ets ko jyëmbittët, ta oy nˈagëˈë nˈaxäjëm extëmë Jyobaa ttuny.

¹⁸ Nˈokˈëxtäˈäyˈadëtsëm niduˈuk niduˈuk ja nijäˈäwën, jaygyujkën etsë wijyˈäjtën. Ko ngäjpxëm mä Biiblyë tijaty ijxpajtënë Jesus myaytyak, nˈoknayajtëˈëwëm: ¿Wiˈix nyikejˈyë tyäˈädë ijxpajtën? ¿Tiko yajkujäˈäyë mä Biiblyë? ¿Wiˈixëts mbäät nguytyuny? ¿Ets tijëts xytyukniˈˈijxëp mä Jyobaa mëdë Jesus? Ko duˈun nduˈunëm, ta nëjkx njaygyujkëm wiˈix meerë nyikejy ti myaytyäˈäganë Jesus.