¿Të yajxon xykyajpxyë Diˈib Xytyukˈawäˈänëm diˈib näämnëm të pyëtsëmy? Okˈijxmats pën mbäät xyˈatsoojëmbityë tyäˈädë yajtëˈëwën:

Ko yˈoogët tuˈugë Dios mëduumbë, ¿oyëdaa ko nyiniˈkx kyëbäjk yajnoˈogët?

Këˈëm mbäät nwinmäˈäyëm pën yajnoˈogäˈänëm o pën kyaj. Biiblyë kyaj yajxon tim nnigajpxy ti mbäät nduˈunëm, per myaytyakypy ko ojts yajnoˈogyë nyiniˈkx kyëbäjk ja rey Saúl mëdë yˈuˈunk Jonatán ko yˈoˈktë, ets ok, ta ja israelitëty ojts dyajnaxtëjkëdë ja wyaay pyäjk (1 Sam. 31:2, 8-13) (w-S 15/6, pajina 7).

¿Wiˈix nnijäˈäwëm ko Dios kyaj yëˈë tpokyëty ko jäˈäy axëëk jyat kyëbattë?

Jyobaa tëyˈäjtën myëët tijaty ttuny mä tukëˈëyë nyëˈë tyuˈu; ko tii ttuny ak yëˈë mëdiˈibë mëdëyën, mëdiˈibë oyën, tsojkp ets paˈˈayoop (Deut. 32:4; Sal. 145:17; Sant. 5:11) (1/7, pajina 4).

¿Tijaty jotmay wyinguwäˈkëdëp pënaty nëjkxtëp wiink paˈis mä tyëgoyˈatyë käjpxwäˈkxpë?

Tëgëk pëky: 1) tëgäjtsp ja jyukyˈäjtën; 2) wyinˈayoopy ja jyiiky myëguˈuk, ets 3) tˈijxwëˈëmët ja kostumbrë. Pënaty myëmadaktëbë tyäˈädë jotmay yˈaxäjëdëp mëjwiin kajaa kunuˈkxën (w-S 15/7, pajina 4, 5).

¿Tiko José myëgaˈax yˈaxëkˈijxëdë?

Tuk pëky yëˈko Jacob niˈigyë ttsejkyë José axtë nyamooyë tuˈugë wyitë jantsy tsujpë. Ta ja myëgaˈaxëty tjäˈäwëdë naywyinaxë ets ta tyoˈkëdë extëmë tuumbë mosë (wp-S 1/8, pajina 11-13).

¿Tiko jemyatypyë trataadë yˈoyëty ets kyaj tsyiptaˈaky nyajtuˈunëm?

Tuknax të kyojy. Mä tuˈuk tuˈugë trataadë myëmiimpy tuˈugë tekstë diˈib mbäät ngäjpxëm ets tuˈugë yajtëˈëwën. Oy wiˈix ja jäˈäy tˈatsoojëmbitët, mbäät nyaˈpwäˈkxëm ja trataadë ets ndukˈijxëm wiˈixë Biiblyë jyënaˈany. Nan mbäät nwinˈijxëm tuˈugë yajtëˈëwën diˈib myëmiimpy ëxkëˈp parë nˈatsoojëmbijtëm ko jatëgok ninëjkxëm (w-S 15/8, pajina 13, 14).

¿Ti yˈandijpy Peshitta siríaca?

Siríaco yëˈë tuˈugë ayuk diˈib tsoˈomp mä arameo, ets mayë jäˈäy ojts tkäjpxtë mä siiglë 2 o 3. Waˈan tim jawyiin mä tyäˈädë ayuk ojts yajkäjpxnaxy tuk pëky majtsk pëky diˈib miimp mä Escrituras Griegas Cristianas. Ko ojts yajkäjpxnäjxyë Biiblyë mä ayuk siríaco, yëˈë diˈib yaˈixyˈäjt Peshitta (1/9, pajina 13, 14).

¿Ti mbäät ttundë tääk teety parë tkuentˈatëdë yˈuˈunk yˈënäˈk?

Jëjpˈam ets tmëdooˈitët wiˈix jyënäˈändë, ets duˈun tˈixyˈattët. Tääk teety nyikëjxmˈäjttëp etsë yˈuˈunk yˈënäˈk ttukniˈˈixëdët parë ttsoktëdë Jyobaa, tnëˈëmoˈoy ttuˈumoˈoytyët, ets niˈigyë pën kyaj yˈittë seguurë mä ja tëyˈäjtën (15/9, pajina 18-21).

¿Tijatyë Diosë yˈAnaˈam Kyutujkën tyunaampy?

Yajjëjptëgoyaambyë päˈäm, oˈkën, tsip, niˈamukë jäˈäy tmëdatäˈändë tyuunk, jyaˈˈatäˈänyë käˈäy ukën parë niˈamukë ets kyaj pën nyekyˈayowäˈäny (1/10, pajina 6, 7).

¿Diˈibë kajpxyˈatypyë myaytyakypyë Biiblyë parë mbäät näägë jäˈäy yˈanaˈamdë mëdë Kristë?

Ko netyë Jesus të dyajnaxkëdaˈaky ja nWintsënˈäjtëmë yˈAˈux, ta net tkajpxyˈajty mët ja nimäjktuˈukpë yˈapostëlë ja Anaˈam Kutujkën (Luk. 22:28-30). Duˈun ttukwandaky ko seguurë yajpäädäˈändë jam tsäjpotm parë mëët yˈanaˈamäˈändë (15/10, pajina 16, 17).

Nigäjpx majtskë ijxpajtën diˈib yajpatp mä Biiblyë ko jantsy taaˈäjtpë Mëjkuˈu.

Biiblyë myaytyaky ko Mëjkuˈu ojts tmëgajpxyë Jesus parë dyajtëgoyaˈany. Ets ko nan ojts myaytyaˈaky mëdë Dios ja tiempë mä jyukyˈajtyë Job. Tyäˈädë yëˈë xytyukˈijxëm ko jantsy taa Satanás (wp-S 1/11, pajina 4, 5).

¿Pënaty yajtij tuˈugë käjpn “diˈib mënëjkxëdëbë xyëë” diˈibë Santiago myaytyak mä Apostʉlʉty 15:14?

Mä tyäˈädë käjpn tëkëyandëbë nety ja israelitëty ets diˈib kyaj yˈisraelitëty. Ok, ta Pedro tkujäˈäyë: “Miitsëtyë duˈun tuk grupë jäˈäy diˈib të myajwinˈixtë, [...] parë xynyimaytyäˈäktët mä niˈamukë jäˈäy ja oyˈäjtën diˈib myajpëtsëëmëdë agootstuuy” (1 Ped. 2:9, 10, TNM) (15/11, pajina 24, 25).

¿Mä wyeˈemyë Timgad, ets wiˈix ijtyë nääk ja jäˈäy wyinmaytyë diˈib jam tsënääytyë?

Timgad yëˈë ijty tuˈugë mëj siudad mä tsyënääytyë jäˈäy diˈib Roma, jap África (tyam txëˈaty Argelia). Diˈib xytyuknijäˈäwëm wiˈix ijty nääk ja jäˈäy wyinmaytyë yëˈë diˈib ojts yajnitäjtuˈuty mä myiny këxjäˈäy: “Nmäjtsëmë jëyujk, tsiˈi nxëjtsëm, nˈëyëˈk nguyäjtëm, nxik nˈawëˈkëm... ¡Yëˈë duˈun tëy jotkujkˈäjtën!”. Tyäˈädë naymyëbatëp extëm yajmaytyaˈaky mä 1 Korintʉ 15:32 (wp14-S 1/12, pajina 8-10).