Kua tatau meitaki ainei koe i te au itiu ou o Te Punanga Tiaki? Akara ana me ka rauka ia koe i te pau i te au uianga ka aru mai:

E mea tau ainei no te au Kerititiano kia tareʼu i te kopapa o tetai tei mate?

Noatu me ka tareʼuia tetai tangata tei mate e me kare, na te ngutuare tangata te reira e iki. Kare te Pipiria e tuatua ana no runga i teia peu no te tareʼu, i na ka kite tatou e kua tutungiia te kopapa mate o te Ariki ko Saula e tana tamaiti ko Ionatana e oti, kua tanumia to raua ivi. (1 Samu. 31:2, 8-13)—6/15, kapi 7.

Eaa tatou i papu ei e kare te Atua e akatupu ana i te kino?

E tuatua-tika, e tuatua mou e te tiratiratu ta te Atua i tona katoa ra au aerenga. E Atua aroa e te takinga-meitaki maata a Iehova. (Deu. 32:4; Sala. 145:17; Iako. 5:11)—9/1, kapi 4.

Eaa te au akaaoanga penei ka aro atu tetai taeake me aere ki tetai enua ke i te tavini i roto i te ngai e anoano maataia ra te tauturu?

E toru akaaoanga koia oki, (1) tauianga ki tetai oraanga tuke takiri, (2) maaraaraanga i te ngutuare tangata e te (3) akatupu i tetai au pirianga oa ou. Maata te au taeake tei akakoromaki i teia au akaaoanga, kua akameitaki maataia.—7/15, kapi 4-5.

Akapeea a Iesu i te akapapu anga i te aiteanga o tona ingoa?

Te aiteanga o te ingoa ko Iesu i te reo Epera koia oki “Ko Iehova oki te Ora.” Ka taangaanga a Iehova ia Iesu kia akaora i te tangata mei te ara e te mate. Kua akakite a Iesu ki te ngati Iuda e ka anoanoia ratou kia tataraara e rauka akaou ei ia ratou te akamareka ia Iehova. (Mata. 10:6; 15:24; Luka 19:10)—7/15, kapi 28-29.

Eaa i puapinga ai e i māmā ua ai i te taangaanga i te au aenga pepa ou?

Aiteite ua te tu i akanooia ai. No te au uianga e te au pauanga i te kapi mua, riro te au aenga pepa ei akakeu ia tatou kia tatau i tetai irava i roto i te Pipiria e kia ui i tetai uianga ki te tangata ngutuare. Noatu eaa tana ka pau mai, ka rauka ia tatou i te akaari kiaia i te kapi rua e eaa ta te Pipiria e akakite ra. Rauka katoa ia tatou i te akaari i tetai uianga no te oki akaou i te atoro iaia.—8/15, kapi 13-14.

Eaa ta te au metua Kerititiano ka rave ei tiaki i ta ratou tamariki?

E mea puapinga kia akarongo ki te tamariki kia kite meitaki i to ratou turanga. Apii ia ratou kia inangaro i te tuatua mou. Tauturu ia ratou na roto i te tu aroa me ekoko ratou no runga i te tuatua mou.—9/15, kapi 18-21.

Eaa te au mea ka takoreia i raro ake i te Patireia o te Atua?

Ka kore te maki, te mate, te tamaki, te onge, te putaua e ka tu te katoatoa i te angaanga mataora.—11/1, kapi 6-7.

Eaa te koreromotu i roto i te Pipiria tei akamana i etai ke kia tutara e Karaiti?

Muri ake i te Pasa ma tana au pipi, kua papau a Iesu i tetai koreromotu ki tana au pipi tiratiratu tei kapikiia e ko te koreromotu Patireia. (Luka 22:28-30) Kua akapapu te reira e ka tutara ratou e Iesu i runga i te rangi.—10/15, kapi 16-17.

Koai ma te iti tangata “no tona ingoa” ta Iakobo i taiku i roto ia Angaanga 15:14?

Ko teia te au Kerititiano ngati Iuda e te au tangata o te au pa enua ta te Atua i iki ‘kia akakite i tona meitaki.’ (1 Pete. 2:9, 10)—11/15, kapi 24-25.