LABIB I REPONN

Kwa ki pous bokou dimoun pour mazin lo legzistans en Kreater?

Apepre 3,000 an pase, en poet ti ekri: “Mon’n ganny fer dan en fason merveye.” (Psonm 139:14) Pa i enpresyonn ou ler ou mazin lafason ki en sel pti selil i vin en pti baba! Bokou dimoun i admet ki bann keksoz vivan in bezwen ganny fer par en Kreater.​—Lir Psonm 139:13-17; Ebre 3:4.

Sa enn ki ti kree liniver e ki’n fer later konfortab pour viv lo la, i osi sours lavi. (Psonm 36:9) I’n kominik avek limanite e i’n permet nou pour konn li.​—Lir Izai 45:18.

Eski nou sorti dan bann zannimo?

Dan plizyer laspe, nou lekor i parey pour bann zannimo. Sa i akoz nou Kreater in kree imen ek zannimo pour reste lo later. I’n kree sa premye imen avek lapousyer me pa atraver en zannimo.​—Lir Zenez 1:24; 2:7.

Imen i diferan avek zannimo dan de fason enportan. Premyerman, imen i annan sa abilite pour konn, kontan e respekte sa Kreater. Dezyenmman, bann zannimo i pa’n ganny fer pour viv pour touzour tandis ki bann imen in ganny kree koumsa. Me aprezan, tou dimoun in erit lanmor akoz sa premye zonm in rezet gidans sa Kreater.​—Lir Zenez 1:27; 2:15-17.

Pour plis lenformasyon vwar sapit 1 dan sa liv pibliye par Temwen Zeova

I disponib lo www.pr418.com

[Portre lo paz 16]

Pa lavi i en mirak?