बाइबल प्रश्नहरूको जवाफ
थुप्रै मानिसले सृष्टिकर्ता हुनुहुन्छ भनेर विश्वास गर्नुको कारण के हो?
जीवन अद्भुत छैन र?
आजभन्दा करिब ३,००० वर्ष अघि एक जना कविले यसो लेखे: “म भयानक र आश्चर्य रीतिले बनिएको छु।” (भजन १३९:१४) एउटा सानो कोष विकास हुँदै कसरी शिशु बन्छ भन्ने कुरा विचार गर्दा तपाईंलाई अचम्म लाग्दैन र? थुप्रै मानिस जीवित प्राणीहरूको डिजाइनको श्रेय सृष्टिकर्तालाई दिन्छन्।—भजन १३९:१३-१७; हिब्रू ३:४ पढ्नुहोस्।
ब्रह्माण्ड सृष्टि गर्नुहुने र पृथ्वीलाई जीवित प्राणीहरू बस्न लायक बनाउनुहुने सृष्टिकर्ताले नै जीवनको सुरुवात गर्नुभयो। (भजन ३६:९) उहाँले मानिसहरूसित कुराकानी गर्नुभएको छ र हामीलाई आफ्नो बारेमा बताउनुभएको छ।—यशैया ४५:१८ पढ्नुहोस्।
के हामी जनावरबाट विकास भएका हौं?
हुन त जनावर र हाम्रो शरीरबीच थुप्रै समानता पाइन्छ। तर सृष्टिकर्ताले मानिस र जनावर दुवैलाई पृथ्वीमा बाँच्नको लागि डिजाइन गर्नुभएकोले नै त्यस्तो समानता पाइएको हो। उहाँले पहिलो मानिसलाई जनावरबाट नभई माटोबाट बनाउनुभएको थियो।—उत्पत्ति १:२४; २:७ पढ्नुहोस्।
मानिस दुई वटा तरिकामा जनावरभन्दा फरक छ। पहिलो, मानिससित सृष्टिकर्ताको विषयमा ज्ञान लिने, उहाँलाई माया गर्ने र उहाँको आदर गर्ने क्षमता छ। दोस्रो, मानिसलाई सधैंभरि बाँच्न सक्नेगरि सृष्टि गरिएको थियो तर जनावरलाई भने थिएन। तर पहिलो मानिसले सृष्टिकर्ताको निर्देशन पालन नगरेकोले सबै मानिस मर्नु परेको हो।—उत्पत्ति १:२७; २:१५-१७ पढ्नुहोस्।
अन्य रोचक विषयहरू
बाइबलसम्बन्धी प्रश्नहरूको जवाफ
के ईश्वर हुनुहुन्छ?
बाइबलमा आधारित पाँच वटा जोडदार प्रमाणहरूले यसको जवाफ दिन्छ।
