Un 3.000 aña pasa, un poeta a skirbi: “Mi ta traha na un manera temerosamente maraviyoso.” (Salmo 139:14) Tuma por ehempel un baby. Ora bo pensa con e ta ser forma, esta for di un solo cel, bo no ta keda sumamente impresiona? Hopi hende ta kere cu bida ta obra di un Creador.—Lesa Salmo 139:13-17; Hebreonan 3:4.

Ta e Creador di bida ta Esun cu a crea universo y prepara Tera como un luga di biba. (Salmo 36:9) El a comunica cu hende y a conta nos tocante su mes.—Lesa Isaias 45:18.

Tin hopi similaridad entre curpa di hende y esun di bestia. Esey ta asina pasobra e Creador a crea tanto hende como bestia pa biba riba Tera. Pero el a crea hende for di stof di tera, no for di bestia.—Lesa Genesis 1:24; 2:7.

Tin dos cos importante cu ta haci hende distinto for di bestia. Pa di prome, hende tin e capacidad di siña conoce, respeta y stima e Creador. Di dos, bestia no a ser crea pa biba pa semper, pero hende si. Pero toch hende ta muri. Dicon? Pasobra e prome homber a rechasa guia di e Creador.—Lesa Genesis 1:27; 2:15-17.