Mibuzyo yamu Bbaibbele Yaingulwa
Ino ncinzi cipa kuti bantu banji kabasyoma kuti kuli Mulengi?
Sena buumi taali maleele?
Myaka iinda ku 3,000, sikweema wakalemba kuti: “Ndilengedwe munzila iigambya, mbotu kapati.” (Intembauzyo 139:14) Mwayeeya mwana mbwapangwa kuzwa kukaseelo komwe kasyoonto, sena eeci tacimugambyi? Bantu banji balazumina kuti zintu zyuumi zyakalengwa buya.—Amubale Intembauzyo 139:13-17; Bahebrayo 3:4.
Ooyo iwakalenga bubumbo boonse alimwi anyika kuti kaikkalwa abantu, nguwakalenga abuumi. (Intembauzyo 36:9) Wakali kubandika abantu alimwi watwaambila makani aajatikizya nguwe.—Amubale Isaya 45:18.
Sena twakazwa kubanyama?
Munzila zinji, mibili yesu ilikozyenye amibili yabanyama. Cili boobo akaambo kakuti bantu alimwi abanyama bakalengwa amulengi kutegwa kabakkala anyika. Wakalenga muntu wakusaanguna kuzwa kubulongo ikutali kubanyama.—Amubale Matalikilo 1:24; 2:7.
Bantu baliindene abanyama munzila zyobilo zipati. Nzila yakusaanguna, bantu balijisi luyandisisyo lwakuzyiba zintu, kuba aluyando, alimwi akulemeka mulengi. Nzila yabili, banyama tiibakalengelwa kuti kabapona buumi butamani mbuli bantu. Pele lino, bantu boonse bakakona lufwu nkaambo muntu wakusaanguna wakakaka kweendelezyegwa a Mulengi.—Amubale Matalikilo 1:27; 2:15-17.
Andiza Inga Mwaakkomanina Ayaaya
SINSIMUKA!
Makani Aatazyibidwe Kubantu Banji Aajatikizya Kulenga
Sena makani aamu Bbaibbele aleendelana amakani ngobaamba basayaansi?
MIBUZYO YAMU BBAIBBELE YAINGULWA
Sena Leza Nkwali?
Bbaibbele lilaingula kwiinda mukupa twaambo tosanwe.
SINSIMUKA!
Ino Buumi Bwakatalika Buti
Nkaambo nzi bantu banji ibayandisya sayaansi ncobajisi buyumuyumu kuzumina makani aakuti buumi bwakatalika akaambo kakusanduka?
SINSIMUKA!
Syaazibwene Mulwiiyo Lwazilenge Ulaamba Mbwaakatalika Kusyoma Muli Leza
Amubale muzyibe kaambo umwi syaabusongo mumakani aasayaansi mbwaakacinca kujatikizya mbwaakali kulibona Bbaibbele, kusanduka kwazyintu, alimwi amatalikilo aabuumi.
