Bete agarã wa 3000 kusayo, bake wenewene afugo sa aya: “Mo ambakadi re na iiriwo banaru pai.” (Atambuahe 139:14) Ho mo amakiapa wai gude atona ni tooni ka asona vuse yo, ya mo iriworago atinga tiro te? Dungu aboro idi kuti gupai nga boro kinaho na kusi rakiraki ahe.—Mo gedi Atambuahe 139:13-17; AEbere 3:4.

Gu boro nakusi zagino na ki mbakadi kpotosende tipa aboro ni raki rogoho kina ni naafu unga a. (Atambuahe 36:9) Ko aima fura na aboro na ki yugu tiko furani.—Mo gedi Yesaya 45:18.

Badungu agu ahe du ti kpotorani si kina ti anya a. Si wo mbiko gupai nga Bakusiahe akusi aboro na anya i raki auru kpotosende. Ko akusi bambata boro rogo sende angianga rogo nya yo ya.—Mo gedi Bambata Pai 1:24; 2:7.

Aboro kia ti anya rogo nyanyakipa agene ue. Bambataha nga, aboro na gene beyo ka ino Bakusiyo, ka kpinyemuko, na kini irisiko. Uehe nga, i kusi aboro tipa i raki nyeanye kindi ono i akusanga anya ami raki nyeanye kindi te. Ono awere, aboro dunduko aima dia kpio mbiko bambata boro aima ka agu arugute nga ga Bakusiahe.—Mo gedi Bambata Pai 1:27; 2:15-17.