Teekateeka oku abantu baraagasirwe ku haraabeho gavumenti emwe yonka. Abantu baingi ebiro ebi nibabonabona ahabw’okugira ngu n’abooro munonga, kandi obwo abandi bari abagaiga munonga. Gavumenti eraategyekye ensi yoona neija kufayo kureeba ngu abantu baatunga byona ebi barikwenda. Nooteekateeka ngu abantu nibabaasa kutaho gavumenti nk’egyo?—Shoma Yeremia 10:23.

Okuruga ira, gavumenti ziremirwe kuhwera abu zirikutegyeka, okukira munonga abooro. Ezimwe nizitwariza kubi abantu. (Omubuurizi 4:1; 8:9) Ruhanga ow’Obushoboorozi Bwona naaraganisa kutaho gavumenti eraaze omu mwanya gw’eziriho zoona. Omutegyeki waayo naija kureeberera abantu.—Shoma Isaaya 11:4; Danieli 2:44.

Yehova Ruhanga atooraine omutegyeki orikukirayo oburungi, omwana we Yesu. (Luka 1:31-33) Obu Yesu yaabaire ari omu nsi, akaba naakunda kuhwera abantu. Ku araabe naategyeka, naija kugaita abantu b’amahanga goona aiheho n’okubonabona.—Shoma Zaaburi 72:8, 12-14.

Buri omwe naija kwikiriza Yesu kumutegyeka? Ngaaha. Kwonka Yehova naagumisiriza. (2 Petero 3:9) Naaha abantu omugisha gw’okwikiriza Yesu nk’omutegyeki waabo. Yesu ari haihi kwihaho ensi embi n’abantu ababi akareetaho obusingye n’oburinzi omu nsi yoona.—Shoma Miika 4:3, 4.