Te Ako ʼe Tou Maʼu Mai Te Lea Fakatata ʼo Te ʼu Foʼi Taleta
“Nee ina foaki leva ni foi [taleta] e nima ki he tahi, pea lua ki he tahi age, pea tahi ki te tolu.” —MATEO 25:15.
1, 2. Ko te temi fea ʼae neʼe fakamatala ai e Sesu ia te lea fakatata ʼo te ʼu foʼi taleta?
ʼI TE lea fakatata ʼo te ʼu foʼi taleta, neʼe fakaha ai e Sesu ia te gaue ʼae ʼe ina fakamaʼua ki ʼana tisipulo. ʼE toe ʼaoga anai ke tou mahino kiai koteʼuhi ʼe fakahagahaga te maʼua ʼaia ki te ʼu tisipulo fuli ʼa Sesu, peʼe natou maʼu ia te ʼamanaki ki te maʼuli ʼi selo peʼe ko te maʼuli ʼi te kele.
2 Ko te temi fea ʼae neʼe fakamatala ai e Sesu ia te lea fakatata ʼaia? ʼI te temi ʼae neʼe ina foaki ai ki ʼana tisipulo ia te fakaʼiloga ʼo te temi ʼo tana liliu mai ʼi tona ʼuhiga Hau pea mo te temi ʼo te fakaʼosi. (Mateo 24:3) Koia, ʼe kau te lea fakatata ʼo te ʼu foʼi taleta ki te fakaʼiloga ʼaia pea ʼe lolotoga fakahoko ʼi totatou temi.
3. Kotea te ako ʼe tou maʼu mai te ʼu lea fakatata ʼo te kapite 24 mo te 25 ʼo Mateo?
3 ʼI te temi ʼae neʼe fakamatala ai e Sesu ia te lea fakatata ʼo te ʼu foʼi taleta, neʼe toe talanoa ia ki te tahi age ʼu lea fakatata ʼe tolu, pea ʼe natou kau ki te fakaʼiloga ʼo te temi fakaʼosi. ʼE talanoa te ʼu lea fakatata ʼaia ki te ʼu kalitate maʼuhiga ʼe tonu Mateo 24:45 ki te 25:46. ʼE talanoa te ʼuluaki lea fakatata ki he tagata faifekau agatonu, ʼe ko he kiʼi kutuga ʼo te kau fakanofo neʼe fakamaʼua age ke natou akoʼi te hahaʼi ʼa Sehova. Neʼe ʼaoga ke natou agatonu mo poto. * (Vakaʼi te kiʼi nota.) ʼE talanoa te lua lea fakatata ki te ʼu taupoʼou ʼe toko hogofulu. ʼI ai, ʼe fakatokaga e Sesu ki te ʼu fakanofo fuli ki te maʼuhiga ʼae ʼo te nofo teuteu pea mo te nofo ʼalaʼala koteʼuhi ʼe mole natou iloʼi te ʼaho mo te hola ʼae ʼe liliu mai ai anai. * (Vakaʼi te kiʼi nota.) ʼI te tolu, neʼe talanoa Sesu ki te lea fakatata ʼo te ʼu foʼi taleta moʼo akoʼi ki tana kau fakanofo ia te maʼuhiga ʼo te gaue kinakina ʼi te fakahoko ʼonatou maʼua Fakakilisitiano. ʼI te fa leva, neʼe fakamatala e Sesu ia te lea fakatata ʼo te ʼu ovi mo te ʼu tao, ʼae ʼe fakahagahaga kia natou ʼae ʼe natou maʼu te ʼamanaki ki te maʼuli ʼi te kele. ʼE ina fakaha lelei ia te maʼuhiga ʼo te agatonu pea mo te tokoni ʼae ki ʼona tehina fakanofo. * (Vakaʼi te kiʼi nota.) ʼE fakamahino anai ʼi te alatike ʼaeni ia te fakaʼuhiga ʼo te lea fakatata ʼo te ʼu foʼi taleta.
ke maʼuliʼi e tana kau tisipulo. ʼE feala ke tou lau te ʼu lea fakatata ʼaia iaʼE FOAKI E TE TAGATA HE KOLOA LAHI KI ʼANA TAGATA FAIFEKAU
4, 5. Kotea ʼae ʼe fakaʼuhiga kiai te faʼahi ʼae neʼe fai e te tagata ʼo te lea fakatata? Kotea te maʼuhiga ʼo he foʼi taleta?
4 Lau ia Mateo 25:14-30. ʼI te lea fakatata ʼo te ʼu foʼi taleta, neʼe talanoa ia Sesu ki he tagata neʼe faifolau. ʼI te tahi age lea fakatata, neʼe toe palalau ai Sesu ki he tagata neʼe faifolau ki tona fakanofo hau. * (Vakaʼi te kiʼi nota.) (Luka 19:12) Lolotoga ni taʼu neʼe fakamahino ʼi ʼatatou tohi, ko te tagata ʼaia neʼe ko Sesu ʼi tana hake ki selo ʼi te taʼu 33. Kaʼe neʼe mole fakanofo hau atu aipe ia Sesu ʼi selo. Neʼe fakatalitali ʼo aʼu ki te taʼu 1914, te temi ʼae neʼe liliu ai “ona fili ko tona hiliaga vae.”—Hepeleo 10:12, 13.
5 Neʼe ui e Sesu neʼe maʼu e te tagata ʼo te lea fakatata ia foʼi taleta ʼe valu. Neʼe ko he koloa lahi. * (Vakaʼi te kiʼi nota.) ʼI muʼa ʼo tana mavae, neʼe foaki e te tagata te koloa lahi ʼaia ki ʼana tagata faifekau. Neʼe ina fakatotonu age ke natou gaueʼi te koloa ʼaia maʼa ia. Mai tona aluʼaga ʼae neʼe maʼuhiga ʼaupito te koloa ʼaia ki te tagata, neʼe toe ʼi ai te faʼahi neʼe maʼuhiga ʼaupito kia Sesu. Kotea ia te faʼahi ʼaia? Neʼe ko te gaue ʼae neʼe ina fakahoko ʼi te kele.
“Kotou hiki ake okotou mata pea kotou sisio ki te u gaueaga fulumeto kua natou hihina ki te tanaki o te fulumeto.”
6, 7. Kotea ʼae ʼe fakaʼuhiga ki ai te ʼu foʼi taleta?
6 Neʼe maʼuhiga ʼaupito kia Sesu ia te gaue faifakamafola. Ko te fua ʼo tana faifakamafola, neʼe ko te liliu ʼa te tokolahi ko Luka 4:43.) Kaʼe neʼe ina iloʼi ʼe lahi anai te gaue pea mo kauga malie anai te hahaʼi ʼe natou tali anai te logo lelei. Koia neʼe ina ui fenei ai ki ʼana tisipulo: “Kotou hiki ake okotou mata pea kotou sisio ki te u gaueaga fulumeto kua natou hihina ki te tanaki o te fulumeto.” (Soane 4:35-38) ʼE mole tuku feia anai ʼe he tagata gaue kele he gaueʼaga kua tonu ke tuʼusi. Neʼe toe maʼu e Sesu ia te manatu ʼaia. Koia ʼi muʼa ʼo tana hake ki selo, neʼe fakatotonu fenei e Sesu ki ʼana tisipulo: “Koutou olo, kotou fai ni tisipulo.” (Mateo 28:18-20) Neʼe ina foaki age ai te koloa maʼuhiga, te maʼua ʼae ke natou faifakamafola.—2 Kolinito 4:7.
ʼana tisipulo. (Lau ia7 Ohage pe ko te tagata ʼae neʼe ina foaki ʼona koloa ki ʼana tagata faifekau, neʼe foaki e Sesu ki ʼana tisipulo fakanofo ia te gaue ʼae ko te fai ʼo ni tisipulo. (Mateo 25:14) Koia ko te ʼu foʼi taleta ʼe fakaʼuhiga ki te maʼua ʼae ke natou olo ʼo faifakamafola pea mo fai ni tisipulo.
8. Logola neʼe mole tatau te koloa ʼae neʼe foaki ki he tagata faifekau, kaʼe kotea ʼae neʼe fakaʼamu kiai ia te tagata pule?
8 Neʼe talanoa Sesu ki te tagata pule neʼe ina foaki ia foʼi taleta ʼe nima ki te ʼuluaki tagata faifekau, mo foʼi taleta ʼe lua ki te lua tagata faifekau pea mo te foʼi taleta ʼe tahi ki te tolu. (Mateo 25:15) Neʼe mole tatau ia te tufa e te tagata pule ia te ʼu koloa ki ʼana tagata faifekau pea neʼe fakaʼamu ʼe natou gaueʼi lelei anai ke tuputupu te koloa ʼaia. ʼO toe feia mo Sesu, neʼe fakaʼamu ʼe faʼafai anai ʼana tisipulo fakanofo i te gaue faifakamafola. (Mateo 22:37; Kolose 3:23) ʼI te Penikosite ʼo te taʼu 33 neʼe kamata fai e te ʼu tisipulo fakanofo a Sesu ni tisipulo mai te ʼu puleʼaga kehekehe. Ka tou lau ia te tohi ʼo Gaue ʼi te Tohi-Tapu pea ʼe tou tokagaʼi ai ia te kinakina ʼo te gaue ʼae neʼe natou fakahoko. * (Vakaʼi te kiʼi nota.)—Gaue 6:7; 12:24; 19:20.
ʼE FAKAʼAOGA E TE TAGATA FAIFEKAU IA TE ʼU FOʼI TALETA ʼI TE TEMI FAKAʼOSI
9. (1) Kotea neʼe fai e te ʼu tagata faifekau ʼe lua mo te koloa? Kotea te ako ʼe tou maʼu mai ai? (2) Kotea ʼae ʼe fakamaʼua kia natou ʼae ʼe natou maʼu te ʼamanaki ki te maʼuli ʼi te kele?
9 Ko te ʼu ʼuluaki tagata faifekau ʼae neʼe nā gaueʼi lelei te koloa ʼo tanā tagata pule ʼe fakaʼuhiga ki te ʼu tehina mo tuagaʼane fakanofo agatonu lolotoga te temi fakaʼosi. Tafitō la ʼo kamata mai te taʼu 1919, neʼe natou faʼa fai ʼi te gaue faifakamafola. ʼI te lea fakatata, neʼe mole tatau ia te lahi ʼo te ʼu foʼi taleta ʼae neʼe foaki ki te ʼu tagata faifekau ʼaia ʼe lua pea ʼe mole fakaʼuhiga ia ʼe ʼi ai he ʼu kutuga kehekehe ʼo te kau fakanofo. Neʼe gaue kinakina te ʼu tagata faifekau ʼaia ʼo tuʼa lua te tuputupu ʼo te koloa ʼae neʼe foaki age. Kaʼe neʼe ko te kau fakanofo pe koa ʼae neʼe tonu ke faʼa fai ʼi te gaue faifakamafola pea mo te gaue faiako? Kailoa. ʼE tou mahino ʼaki te lea fakatata ʼa Sesu ʼo ʼuhiga mo te ʼu ovi mo te ʼu tao, ʼe fakamaʼua kia natou ʼae neʼe natou maʼu te ʼamanaki ki te maʼuli heʼe gata ʼi te kele ke natou tokoni ki ʼona tehina fakanofo ʼi te gaue faifakamafola pea nonofo agatonu kia natou. ʼE natou logoʼi ʼe ko he toe pilivilesio ʼi tanatou tokoni kia natou. Koia, ko te hahaʼi ʼa Sehova ʼe ko “he faga ovi e tahi,” pea ʼe natou faʼa fai fuli ʼi te faifakamafola pea mo te fai ʼo ni tisipulo.—Soane 10:16.
10. Kotea te koga ʼo te fakaʼiloga ʼe ina fakamoʼoni ai ʼe tou maʼuʼuli nei ʼi te temi ʼo te fakaʼosi?
10 Neʼe fakaʼamu e Sesu ʼe faʼa fai anai ʼana tisipulo ʼi te fai ʼo ni tisipulo. Ko te
faʼahi ʼaia neʼe fakahoko e ʼana tisipulo ʼi te temi ʼo te kau apositolo. ʼI te temi ʼo te fakaʼosi, ʼae ʼe hoko ai te lea fakatata ʼo te ʼu foʼi taleta, ʼe kei fakahoko anai koa e ʼana tisipulo ia te gaue ʼaia? ʼEi, koteʼuhi ʼe kauga malie age te hahaʼi ʼae ʼe natou tali te logo lelei pea mo liliu ko ni tisipulo. ʼUhi ko te faʼa fai ʼa te ʼu tisipulo fuli ʼa Sesu ʼi te gaue ʼaia, ko te toko lauʼi teau afe hahaʼi ʼe natou papitema ʼi te taʼu fuli. Pea ʼe toe kau mo natou ʼaia ki te gaue faifakamafola. Ko te fua lelei ʼo te gaue faifakamafola ʼe ko he koga maʼuhiga ʼo te fakaʼiloga ʼae neʼe foaki e Sesu ʼo ʼuhiga mo te temi ʼo te fakaʼosi. ʼE mahino ia ʼe fiafia te loto ʼo Sesu ʼo ʼuhiga mo tana kau gaue.KO TE TEMI FEA ʼAE KA LILIU MAI AI TE PULE?
11. ʼE tou iloʼi feafeaʼi ʼe liliu mai anai ia Sesu lolotoga te mamahi lahi?
11 Neʼe ui fenei e Sesu: “Pea nee hili he temi fualoa, nee toe liliu mai leva te pule o te u tagata faifekau aia, o kumi kia natou te fua o tanatou gaue.” (Mateo 25:19) ʼE haʼu anai te Pule, ia Sesu, ʼo fai te faʼahi ʼaia ʼi te vave fakaʼosi ʼo te mamahi lahi. ʼE tou iloʼi feafeaʼi te faʼahi ʼaia? Neʼe ui liuliuga e Sesu ʼe toe liliu mai anai ʼi tana lea fakapolofeta ʼae ʼi te kapite 24 mo te 25 ʼo te tohi ʼo Mateo. Ohage la, neʼe ina ui fenei ko te hahaʼi “e natou sio anai ki te Foha o te tagata e hau i te ʼu ʼao o te lagi.” ʼE fakaʼuhiga ʼi heni ki te temi ʼae ka haʼu ai ia Sesu ʼo fakamauʼi te hahaʼi lolotoga te mamahi lahi. Neʼe ina toe fakatokaga ki ʼana tisipulo ia te maʼuhiga ʼo te nofo ʼalaʼala lolotoga te temi ʼo te fakaʼosi. Neʼe ina ui fenei: “E mole kotou iloi pe ko te aho fea e hau ai anai tokotou Aliki” pea “E hau anai te Foha o te tagata i te hola ae e mole kotou talitali ki ai.” (Mateo 24:30, 42, 44) Koia ʼi te lea fakatata ʼo te ʼu foʼi taleta, neʼe talanoa ia Sesu ki te temi ʼo tana liliu mai ʼo fakamauʼi te hahaʼi pea mo fakaʼauha te malama ʼa Satana. *—Vakaʼi te kiʼi nota.
12, 13. (1) Kotea ʼae neʼe ui e te pule ki te ʼu tagata faifekau ʼe lua, pea kotea tona tupuʼaga? (2) Ko te temi fea ʼae ka foaki anai te fakaʼiloga fakaʼosi ʼo te kau fakanofo? (Vakaʼi te fakamatala ʼo te ʼa takai “ ʼE Natou Tuha ʼi te Temi ʼo Tanatou Mate.”) (3) Kotea te fakapale ʼae ka maʼu anai e natou ʼae neʼe tokoni ki te kau fakanofo?
12 ʼI te liliu mai ʼa te pule mai tana folau, neʼe sio ia ko te tagata faifekau ʼae neʼe foʼi taleta ʼe nima neʼe ina toe maʼu foʼi taleta ʼe nima pea ko te tagata faifekau ʼae neʼe foʼi Mateo 25:21, 23) Kotea ʼae ka fakahoko e te Pule, ia Sesu, moka liliu mai anai?
taleta lua neʼe ina toe maʼu foʼi taleta ʼe lua. Neʼe ina ui ai kia naua takitokotahi: “E lelei osi, tagata faifekau agalelei mo agatonu; nee ke agatonu i he mea veliveli pe, e au fakanofo anai koe ki he mea lahi.” (13 ʼI muʼa ʼo te vave hoko ʼo te mamahi lahi, ʼe foaki anai e te ʼAtua ia tana tapuakina fakaʼosi ki te kau fakanofo faʼa fai, ʼae ʼe kei maʼuʼuli ʼi te kele ʼi te temi ʼaia. ʼE ko tonatou fakaʼiloga fakaʼosi. (Apokalipisi 7:1-3) Koia, ʼi muʼa ʼo Halamaketone, ʼe fakapale anai e Sesu ia natou ʼaki tana fakatuʼuake natou ki te maʼuli ʼi selo. Kaʼe ʼe feafeaʼi anai ia natou ʼae ʼe natou maʼu ia te ʼamanaki ki te maʼuli ʼi te kele, ʼae neʼe natou lagolago ki te kau fakanofo ʼi te gaue faifakamafola? ʼE vaheʼi anai natou ko he ʼu ovi. Pea ʼe fakapale anai natou ʼaki te maʼuli ʼi he kele ʼe takitaki anai e te Puleʼaga ʼo te ʼAtua.—Mateo 25:34.
TE TAGATA FAIFEKAU AGAKOVI MO PIKOʼELO
14, 15. Neʼe ui koa e Sesu ʼe liliu anai ʼo agakovi mo pikoʼelo ʼihi ʼo te kau fakanofo? Fakamahino.
14 ʼE toe talanoa te lea fakatata ki he tagata faifekau neʼe foaki age ki ai he foʼi taleta ʼe tahi. Neʼe mole ina gaueʼi ke tuputupu te koloa ʼo tona pule, pea neʼe mole ina tuku ki he fale paʼaga ke maʼu ai hona tupu. Kaʼe neʼe alu ia ʼo tanu te koloa ʼaia. Neʼe ui age e te pule ʼe ko he tagata faifekau ʼe agakovi mo pikoʼelo. Neʼe ina toʼo mai te tagata faifekau ia te foʼi taleta ʼaia pea mo foaki ki te ʼuluaki tagata faifekau. ʼOsi ʼaia, neʼe ina li leva te tagata faifekau ʼaia ki tuʼa “ki te fakapouli,” pea neʼe tagi mamahi ai te tagata faifekau.—Mateo 25:24-30; Luka 19:22, 23.
* (Vakaʼi te kiʼi nota.) ʼO toe feia ʼi te lea fakatata ʼo te ʼu foʼi taleta, neʼe mole ui e Sesu ʼe liliu anai ʼo agakovi pea mo pikoʼelo ʼihi ʼo te kau fakanofo ʼi te ʼu ʼaho fakamuli. Kailoa, neʼe ina fakatokaga ki tana kau fakanofo ke ʼaua naʼa natou hage ko te tagata faifekau agakovi, kaʼe ke hoko atu tanatou faʼa fai ʼi te gaue faifakamafola.—Mateo 25:16
15 ʼI te talanoa ʼa Sesu ki te tagata faifekau agakovi, neʼe mole ina ui ai ʼe ʼi ai anai he tahi ʼi te kau fakanofo ʼe liliu anai ohage ko te tagata faifekau ʼaia. ʼE tou mahino kiai ʼuhi ko tatatou fakatatau ia te lea fakatata ʼaia pea mo ʼihi atu. ʼI te lea fakatata ʼo te tagata faifekau agatonu mo poto, neʼe talanoa Sesu ki he tagata faifekau agakovi ʼe ina fakatagaʼi te tahi age ʼu tagata faifekau. Neʼe mole ui e Sesu ʼe liliu anai ʼo agakovi ʼihi ʼo te kalasi ʼo te tagata faifekau agatonu mo poto. Kaʼe neʼe ina fakatokaga ki tana kau fakanofo ia te maʼuhiga ʼae ke ʼaua naʼa natou liliu ʼo agakovi ohage ko te tagata faifekau ʼaia. ʼI te lea fakatata ʼo te ʼu taupoʼou ʼe toko hogofulu, neʼe talanoa Sesu ki te ʼu taupoʼou vavale ʼe nima. Neʼe mole ina ui ia ʼe vavale anai ia te vaelua ʼo te kau fakanofo. Kaʼe neʼe ina fakatokaga ki te aluʼaga ʼae ʼe feala ke hoko mo kapau ʼe mole natou nonofo teuteu pea mo nonofo ʼalaʼala.ʼE fakapale anai e Sesu ʼana tisipulo fuli ʼae neʼe gaue kinakina ʼi te faifakamafola
16. (1) Kotea te ʼu ako ʼe lua ʼe tou maʼu mai te lea fakatata ʼo te ʼu foʼi taleta? (2) ʼE tokoni feafeaʼi mai te alatike ʼaeni ke tou mahino ki te lea fakatata ʼo te ʼu foʼi taleta? (Vakaʼi te ʼa takai “ Te Fakamahino ʼo Te Lea Fakatata ʼo Te ʼu Foʼi taleta?”)
16 Kotea te ʼu ako ʼe lua ʼe tou maʼu mai te lea fakatata ʼo te ʼu foʼi taleta? ʼUluaki, neʼe foaki e Sesu ki ʼana tisipulo fakanofo ia he koloa lahi, te maʼua ʼae ke natou faifakamafola pea mo fai ni tisipulo. Lua, neʼe fakaʼamu e Sesu ʼe tou faʼa fai fuli anai ʼi te gaue faifakamafola. Kapau ʼe tou faʼa fai ʼi te gaue ʼaia, mo talagafua pea mo agatonu kia Sesu, pea ʼe feala ke tou tui papau ʼe ina fakapale anai tatou.—Mateo 25:21, 23, 34.
^ pal. 3 ʼE fakamahino ʼi Te Tule Leʼo, ʼaho 15 ʼo Sulio 2013, pasina 21-22, pal. 8-10, pe ko ai te tagata faifekau agatonu mo poto.
^ pal. 3 ʼE fakamahino ʼi te lua alatike ako ʼo te nusipepa ʼaeni pe ko ai te ʼu taupoʼou.
^ pal. 3 ʼE fakamahino ia te lea fakatata ʼo te ʼu ovi mo te ʼu tao ʼi Te Tule Leʼo, ʼaho 15 ʼo Oketopeli 1995, pasina 23-28, pea mo te alatike ako fakamuli ʼo te nusipepa ʼaeni.
^ pal. 4 Vakaʼi te ʼa takai “ Te ʼu Meʼa ʼAe ʼe Tatau Ai Te Lea Fakatata ʼo Te ʼu Foʼi Taleta Mo ʼAe ʼo Te ʼu Mine?”
^ pal. 5 ʼI te temi ʼo Sesu, ko te foʼi taleta ʼe tahi ʼe ko he foʼi falā ʼe maʼu e he tagata gaue lolotoga taʼu ʼe 20.
^ pal. 8 ʼI te hili pe ʼo te mamate ʼo te kau apositolo, neʼe mafola ia te aposetasia ʼi te ʼu kokelekasio fuli. Lolotoga ni taʼu, neʼe mole lahi te gaue ʼae neʼe fai ʼi te gaue faifakamafola. Kaʼe lolotoga “te temi tuusi o te fulumeto,” peʼe ko te temi ʼo te fakaʼosi, ʼe toe fakahoko anai te gaue faifakamafola. (Mateo 13:24-30, 36-43) Vakaʼi Te Tule Leʼo, ʼaho 15 ʼo Sulio 2013, pasina 9-12.
^ pal. 11 Vakaʼi Te Tule Leʼo, ʼaho 15 ʼo Sulio 2013, pasina 7-8, palakalafe 14-18.
^ pal. 15 Vakaʼi te palakalafe 13 ako ʼo te alatike “ʼE Kotou Nofo ʼAlaʼala Anai Koa?” ʼi te nusipepa ʼaeni.