Jehová Diosan Qhanañchirinakapajja, Diosan arunakap yatiyirit uñtʼatäpjjtwa. Ukampis oraqpachanwa Bibliat yatichapjjarakta ¿uk yatiyätati?

Pasïr 2014 maranjja, 8.000.000 jila Jehová Diosan Qhanañchirinakapaw niya 9.500.000 jaqenakar Bibliat yatichawayapjjta 240 markanakana. * Bibliat nanakampi yateqerinakajj waljanïpjjewa, 140 markanakanjja, janiw markachirinakapas ukhar purkiti.

Jehová Diosan Qhanañchirinakapajj jaqenakar Bibliat yatichañatakejja, 1.500 millón millón Bibliat apstʼat qellqatanakwa apsupjjta, sañäni, Biblianaka, libronaka, revistanaka ukat folletonaka, 700 arunakata. Ukhamatwa Bibliat yateqañ munirinakajj kuna aruttï yateqañ munapki ukarjam mayipjjaspa.

¿Kunjamsa Bibliat yatichasi?

Kuna toqenakattï Bibliajj parlki ukarjamaw yatichasi. Ukanakat mayajj Dios toqetäspawa. Khitis Diosajja, kunjam Diosasa, kunas sutipajja, Jupajj kawkinkisa, jiwasajj amigopäsnati janicha, ukanakatwa Bibliajj qhanañchi. Uka jisktʼanakana ukat yaqha jisktʼanakan qhanañchäwip Biblian kawkhansa jikjjatapjjaspa ukanakwa yatichasi.

Ukatakejj ¿Kunsa Bibliax chiqpachapuni yatichi? sat librompiw jila partejj yatichasi, ukajj 224 jananakaniwa. * Uka librojja, kuntï jaqenakajj Biblia toqet yatipjjañap wakiski ukatakiw apsusiwayi. Amuytʼañataki jaljanakapanjja, Diosata, Jesucristota, kunatsa tʼaqhesiñajj utji, jiwañ toqeta, Diosar mayisiñata ukat yaqhanakampitwa parli.

 ¿Kawkhansa ukat kunapachas yatichasi?

Jumaw kawkhansa ukat kunapachas yateqañ munasma uk ajlliñama.

¿Sapa kutejj qawqha horanakas yatichasi?

Jilapart jaqenakajj niya mä horaw sapa semanajj yateqapjje. Ukatï jumatak jan askjamäkchejja, qawqha tiemponïstay ukarjamaw yatichapjjerisma. Yaqhepanakajj 10 jan ukajj 15 minutonakaw yateqapjje.

¿Qawqhas pagaña?

Janiw pagañäkiti. Yatichayasiñasa, kuna qellqatampitï yatichaski ukasa, janiw qollqetakïkiti. Jesús pachpaw uka toqet akham säna: ‘Inakiw lurapjjäta, inaki katoqapjjatam layku’ sasa (Mateo 10:8).

¿Qawqha tiemponsa yatichañ tukuyasi?

Qawqha tiempoy yatichayasiñ munchisma ukarjamaw yatichayasisma. ¿Kunsa Bibliax chiqpachapuni yatichi? sat librojj 19 jaljanakaniwa. Qawqhay yateqtʼirjamästa ukarjamaw yatichayasisma.

¿Yatichayasisajj Jehová Diosan Qhanañchiripäñajapuniti?

Janiwa. Kunar creyiñjjay maynejj munchi uk jupaw ajlljjañapa. Ukampis Bibliat yatjjatañaw uk sum ajlliñatak yanaptʼiristam.

 ¿Kawkinsa jukʼampi yatjjatirista?

Internetan jw.org sat cheqaw utjapjjetu, ukanwa kunanakarus creyipjjta, kunanaksa lurapjjta uk jukʼamp yatjjatasma ukajj confiykayarakiwa.

¿Yatichayasiñatakejj kawkinsa qellqayasiña?

• Internetan jw.org sat cheqanwa mä formulariojj phoqantañatak utji, ukaruw qellqantasma.

•  

• Jehová Diosan Qhanañchirinakaparuw jawsasma. Teléfono numeronak thaqañatak libronwa thaqtarakisma.