Mbangi za Yave batomene zayakana mu kuma kia salu kiau kia samuna e nsangu zambote. Nga ozeye wo vo tuna ye programa ya longa e Bibila kwa wantu awonso?

Muna mvu wa 2014, vioka 8.000.000 ma Mbangi za Yave mu nsi 240 balonga Bibila kwa tezo kia wantu 9.500.000 muna konso ngonde. * Kieleka, lutangu lwa wantu belongokanga yeto Bibila luviokele lutangu lwa wantu lwa tezo kia nsi 140.

Muna lungisa e salu kiaki, Mbangi za Yave muna konso mvu bevaikisanga mafunda ye mafunda ma Bibila, nkanda, Eyingidilu, Despertai ye nkanda miankaka misasilanga e Bibila mu​—tezo kia 700 za ndinga. E nkanda miami mivananga e lau kwa wantu mu longoka Diambu dia Nzambi muna ndinga ina bazolele.

Aweyi e longi dia bibila divangamenanga?

Tuvovelanga mambu mayingi yo fimpa e sono ina ngwizani ye mambu momo. Muna bonga e nona, Bibila kivananga mvutu za yuvu nze yayi: Nani i Nzambi? Aweyi kena? Nga una ye nkumbu? Akweyi kezingilanga? Nga tulenda kumfinama? Dilenda kala diampasi mu solola e mvutu za yuvu yayi muna Bibila.

Muna sadisa wantu basolola e mvutu, tusadilanga o nkanda, O Nkand’a Nzambi Adieyi Kieleka Kelonganga? una ye makaya 224. * O nkanda wau wakubikwa muna sadisa wantu babakula malongi masina ma Bibila. Muna ye malongi mevovelanga Nzambi, Yesu Kristu, mpasi za wantu, lufuluku, sambu ye malongi mankaka.

 Nkia ntangwa ye fulu kilenda fidilwa e longi dia Bibila?

E longi dilenda vangamena vana fulu ye ola ozolele.

Ola kwa dizingilanga e longi?

Wantu ayingi bevaulanga ola imosi konso lumingu muna longoka e Bibila. Kansi, kana nkutu mu miniti miakete muntu olenda kwandi longoka e Bibila. Tulenda longoka yaku e Bibila mun’owu wa programa aku. Akaka belongokanga tezo kia miniti 10 yovo 15 konso lumingu.

Ntalu kwa difwanga e longi dia Bibila?

E longi ye nkanda misadilwanga ke mifutilwanga nzimbu ko. Ediadi ngwizani dina ye luludiku kavana Yesu kwa alongoki andi: “Ngovo nutambwidi, nuvan’e ngovo.”​—Matai 10:8.

Kolo kwa dizingilanga e longi?

Ngeye kibeni olenda yika e kolo kifwete zingila e longi diaku. O Nkand’a Nzambi Adieyi Kieleka Kelonganga? uvuidi 19 dia malongi. Olenda longoka longi dimosi yovo mawonso mun’owu wa luzolo lwaku.

Nga mfwete kituka Mbangi a Yave?

Nkatu. Tuzeye wo vo konso muntu ovuidi nswa wasola mana kazolele kwikila, yeto tuzitisanga nswa wau. Awana bevuanga o zayi wa Bibila balenda vanga nsola yambote.

 Aweyi ndenda zayila mambu mankaka?

E nzil’eto ya internete jw.org isadisanga wantu mu zaya e salu ya Mbangi za Yave ye mana bekwikilanga.

Aweyi ndenda lombela longi dia Bibila?

• Twika ndomb’aku muna www.pr418.com/kwy

•  

• Mokena ye Mbangi za Yave muna zunga kiaku.