Ojtzqiʼn kywitz testigo de Jehová tuʼnju in che pakbʼan tiʼj Tyol Dios. Noqtzun tuʼnj, ¿ojtzqiʼn tuʼna qa axpe ikx in xi kyqʼoʼn xnaqʼtzbʼil tiʼj Tyol Dios twitz tkyaqil Txʼotxʼ?

Toj 2014, mas te 8 millón testigos de Jehová xi kyqʼoʼn 9 millón tukʼil chʼixmi 500,000 xnaqʼtzbʼil tiʼj Tyol Dios toj teyele junjun xjaw ex toj 240 nimaq tnam, ax ikx toj junjuntl tal tnam. * Nya oʼkxju, ax ikx at junlo 140 nimaq tnam mas chʼin kyajlal xjal in che anqʼin kyoj kywitz qeju xjal in che xnaqʼtzan tiʼj Tyol Dios.

Tuʼn tbʼant aqʼuntl lu, in netz chʼixme 1,500 millón uʼj kyuʼn testigo de Jehová tkyaqil abʼqʼi —kyxol qe uʼj lu in netz aju Tuʼjil Tyol Dios, qe nimaq uʼj ex qe uʼj— toj junlo 700 yol. Aju aqʼuntl lu in tzaj tqʼoʼn ambʼil kye qeju kyajbʼil tuʼn kyxnaqʼtzan tiʼj Tyol Dios ex toj alkyexku yol kyajbʼil.

¿Tzeʼntzun jun xnaqʼtzbʼil tiʼj Tyol Dios?

In kubʼ xnaqʼtzet nimku xnaqʼtzbʼil in yolin Tyol Dios tiʼj. Ik tzeʼn jlu: ¿Alkye Dios? ¿Tzeʼn te? ¿Alkye tbʼi? ¿Jatumel taʼ? ¿Ex jakupe qo ok te tamiw? Tojju xnaqʼtzbʼil in xi qqʼoʼne, in xi xnaqʼtzet xjal tuʼn tkanet tzaqʼwebʼil tuʼn toj Tyol Dios.

Tuʼn t-xi qʼet xnaqʼtzbʼil te jun xjal, in najbʼen jun uʼj te 224 t-xaq aju ¿Tiʼ in tzaj t-xnaqʼtzaʼnxix Tyol Dios? tbʼi. * Etz uʼj lu tuʼn kyxi onit qe xjal tuʼn tel kynikʼ tiʼj junjun xnaqʼtzbʼil nim kyoklen ateʼkux toj Tyol Dios. Ateʼkux junjun xnaqʼtzbʼil in che yolin tiʼj Dios, tiʼj Jesús, tiʼj tiquʼn at kʼixkʼoj, tiʼj qa ok che jawil anqʼin kyimni, tiʼj naʼj Dios ex tiʼj junjuntl xnaqʼtzbʼil.

 ¿Jatumel in nok xnaqʼtzbʼil ex alkye qiʼj?

Axa kqʼamalte jatumel ex alkye qʼij taja tuʼn t-xnaqʼtzana.

¿Jniʼ ambʼil in xi tiʼn junjun xnaqʼtzbʼil?

Nim xjal in tzaj kyqʼamaʼn qa kyaj tuʼn kyxnaqʼtzan mas te jun or moqa chʼixmi jun or toj junjun seman. Noqtzun tuʼnj, qa nya nim ambʼil at tiʼja, aya kqʼamalte jniʼ ambʼil kxnaqʼtzala. At junjun xjal okx in che xnaqʼtzan 10 moqa 15 minut.

¿Chjoʼn xnaqʼtzbʼil?

Nya. Aʼyeju xnaqʼtzbʼil in chex qʼet ex qe uʼj in che ajbʼen toj xnaqʼtzbʼil noq kukx qe. Axpe ikx tqʼama Jesús lu kye qe t-xnaqʼtzbʼen: «Noq kukx ma kykʼame [...], ax ikx [...] noq kukx kybʼinchame» (Mateo 10:8).

¿Jteʼ qʼij in xi tiʼn tkyaqil xnaqʼtzbʼil?

Jaku txi tiʼn jteʼxku qʼij tajbʼila tuʼn t-xnaqʼtzana. Aju uʼj ¿Tiʼ in tzaj t-xnaqʼtzaʼnxix Tyol Dios? at 19 xnaqʼtzbʼil toj. Jaku kubʼ t-xnaqʼtzaʼna aju tajbʼila tuʼn t-xnaqʼtzana tiʼj ex ik tzeʼnx jaku bʼant.

¿Ilpe tiʼj tuʼn qok te testigo de Jehová?

Nya. Mintiʼ qeye in nok q-obligarin jun xjal, teyelex te junjun bʼaʼn tuʼn tkubʼ t-ximen alkye tokslabʼil ktel. Noqtzun tuʼnj, qa ma tzeʼl tnikʼa tiʼj aju in tzaj t-xnaqʼtzaʼn Tyol Dios jaku tzʼonin tiʼja tuʼn tjaw tjyoʼna aju mas bʼaʼn.

 ¿Jatumel jaku kanet chʼintl tqanil wuʼne?

Tojju qtembʼile at toj Internet jw.org jaku kanet chʼintl tqanil tuʼna aju ax tok ex aju jaku tzʼok qeʼ tkʼuʼja tiʼj ex tiʼj qxnaqʼtzbʼile ex tiʼjju in kubʼ qbʼinchaʼne.

¿Alkye tten jaku txi nqanine jun xnaqʼtzbʼil?

• Nojsanxa aju uʼj kkanetel tuʼna toj jw.org.

•  

• Yolinxa qe testigo de Jehová toj yolbʼil. Jyonxa tajlal yolbʼil toj uʼj jatumel kykuʼx qe tajlal yolbʼil.