Tiitaixpantijkauan Jiova techixmatij noyampa porin tikteixmatiltiaj tein kijtoua Biblia. Sayoj ke, ¿tikonmatia ke noyampa taltikpak tikinpaleuiaj taltikpakneminij maj kiajsikamatikan tein kijtoua Biblia?

Itech xiuit 2014, panoua 8,000,000 itaixpantijkauan Jiova kitemakakej mejmetstika ajsitoyaya 9,500,000 nemachtilmej ika Biblia itech 240 altepemej. * Tein melauj, akin touan momachtiaj okachi miakej ke akin nemij kemej itech 140 altepemej.

Tein tapaleuia maj motemaka nejin tamachtilis, yejua ke xijxiujtika tikixtiaj ajsitokya 1,500 millones amaixmej, kampa pouij Biblias, libros, revistas uan folletos, kemej itech 700 tataman tajtolmej. Nejin tekit tein amo moajsi okse ijkon, kipaleuia akin kineki kiselis nejin tamachtilis maj momachti itech tajtol tein kinekis.

¿Keniuj mochiua nemachtil?

Itech nemachtil moita tataman tamachtilismej tein ika tajtoua Biblia. Kemej neskayot, Biblia kinankilia nejin netajtanilmej: ¿Akoni Dios? ¿Keniuj tamati? ¿Katiyejua itokay? ¿Kani moajsi? uan ¿ox uelis kuali timouikaskej iuan? Momachtianij kinnextiliaj kani itech Biblia kiajsiskej itanankililuan nejon netajtanilmej uan okseki.

Tein tapaleuia maj motemaka tamachtilis yejua amaix ¿Toni yekmelauj tamachtia Biblia? * Nejin amaix mokixtij uan ika tikinpaleuiaj taltikpakneminij maj kiajsikamatikan tein tamachtia Biblia. Kipia tamachtilismej tein kinextia keniuj yekmelauj moixmati Dios, akoni Jesucristo, keyej titajyouiaj, timomikiliaj, keyej moneki timotataujtiskej uan okseki tamachtilismej.

 ¿Kani uan kemanian motemaka nemachtil?

Tejuatsin tikonixtalia kani uan kemanian tionmomachtis.

¿Kanachi uejkaua nemachtil?

Kemej tionuelis. Tejuatsin uelis tikonixtalis hora. Miakej kiixtaliaj momachtiskej kemej se hora chijchikueyitika. Sayoj ke oksekin momachtiaj sayoj diez oso quince minutos.

¿Kanachi se taxtaua?

Nion teyi. Nemachtil uan amaixmej tein ika titamachtiaj amo moixtauaj. Tein melauj, Jesús kiniluij imomachtijkauan: “Ijkon keme Dios namechtayokolij [...] no ijkon [...] amo teyi xikintopaluikan” (Mateo 10:8).

¿Kanachi uejkaua nochi nemachtil?

Tiempo tein tejuatsin tikonnekis. Amaix ¿Toni yekmelauj tamachtia Biblia? kipia 19 tataman tamachtilismej. Tejuatsin uelis tikonitas nochi tamachtilismej tein tikonnekis ijkon kemej tionuelis.

¿Moneki maj se mochiua itaixpantijkauj Jiova?

Amo. Amo akin tikchikaujkauiaj, ta tikmatij ke sejse kinamiki kiixpejpenas tein kineki kineltokas. Sayoj ke, tikonmatis tein Biblia tamachtia uelis mitsonpaleuis xikonixpejpena tein okachi kuali.

 ¿Kani uelis tikonmatis okachi?

Itech Internet jw.org/ncj kampa timoteixmatiltiaj tikonajsis tamachtilis tein ajsitok uan tein takuaujtamach ika tein tikneltokaj uan tein tikchiuaj.

¿Kani moneki se moijkuilos?

• Uelis tiontajtanis maj mitsonkalpanokan ika se formulario tein tikonijkuilos uan tikonajsis itech www.pr418.com/ncj.

•  

• Oso no uelis tiontajtos iuan semej itaixpantijkauan Jiova akin nemij ompakauin kampa tejuatsin tionnemi.