TUHO SIʼOFÖNA | FAHAʼÖGÖ BA ZURA NIʼAMONIʼÖ
Famahaʼö Ba Zura Niʼamoniʼö Khöda Fefu
Tehöngö ndra Samaduhuʼö Yehowa börö halöwö fanuriaigö nifaluara. Ba hadia öʼila wa labeʼe göi wamahaʼö ba Zura Niʼamoniʼö ba zi sagörö ulidanö?
Ba ndröfi 2014, arakhagö 8.000.000 Zamaduhuʼö Yehowa ba zi 240 soi, töra 9.500.000 nifahaʼöra ba Zura Niʼamoniʼö ero baŵa. * Niha samahaʼö yaʼia ba Zura Niʼamoniʼö ato ira moroi ba zi sambua soi; so 140 soi si lö ato niha!
Börö halöwö famahaʼö andre, ira Samaduhuʼö Yehowa lafazökhi Zura Niʼamoniʼö töra sara amatonga miliar, buku, ba buku famahaʼö ba Zura Niʼamoniʼö tanö böʼö ero röfi ba zi 700 ngawalö li! Fangodödögö nifaluara andre daʼö zanolo niha ba wamahaʼö ba Zura Niʼamoniʼö ba ngawalö li somasi ira.
FANEMA LI MOROI BA ZASESE LASOFU NIHA SANANDRÖSA BA WAMAHAʼÖMA ZURA NIʼAMONIʼÖ
Hewisa wamahaʼö ba Zura Niʼamoniʼö andrö?
Oya duho moroi ba Zura Niʼamoniʼö nifahaʼöda yaʼita ba tafareso ayati so amakhaita ba duho andrö. Duma-dumania, sanandrösa khö Lowalangi. Sura Niʼamoniʼö itema li wanofu simane, Haniha Lowalangi andrö? Hadia so döinia? He zo toröi ia? Hadia tola fahuwu ita khönia? Sabua yaʼia daʼö, fangalui ayati si so fanema li ba wanofu andrö.
Enaʼö aoha wanöndra fanema li, si toʼölönia taʼogunaʼö mbuku Apa yang Sebenarnya Alkitab Ajarkan? * si 224 ngaʼörö. Lafazökhi mbuku daʼa fanolo niha enaʼö aboto ba dödöra wamahaʼö moroi ba Zura Niʼamoniʼö. Ba mbuku andrö lafatunö sanandrösa khö Lowalangi, Yesu Keriso, faʼabu dödö niha gulidanö, femaoso zimate, fangandrö, ba oya nasa danö böʼönia.
Hawaʼara ba hezo manö tola öfahaʼö Ndraʼugö ba Zura Niʼamoniʼö?
Gofu hawaʼara manö ba gofu hezo zomasiʼö.
Hawaʼara sakali mufomaha?
Ato niha zomasi mamahaʼö yaʼira sambua za ero samigu. Faʼara wamahaʼö tola mutatugöi. Maʼoʼö ginötö si no mutatugöi. So zamahaʼö yaʼia ha 10 irugi 15 menit ero samigu.
Haʼuga gefe niʼandrö?
Bukunia hegöi inötö wamahaʼö lö muʼandrö gefe. Simane niwaʼö Yesu, ”Lö nibeʼemi böli, ba böi göi mihalö mböli.”—Mataiʼo 10:8.
Hawaʼara mubato wamahaʼö yaʼia?
Yaʼugö zotatugöi. Buku Apa yang Sebenarnya Alkitab Ajarkan? so 19 faza nösinia. Tola öfahaʼö ndraʼugö fefu mazui öfili zomasiʼö.
Hadia dali tobali ndraʼo Samaduhuʼö Yehowa?
Löʼö. Aboto ba dödöma wa fefu niha yaʼira zo tatugöi hadia zi faduhu dödöra. Tobali, niha si no aboto ba dödö dane-dane wamahaʼö moroi ba Zura Niʼamoniʼö tola lafili zi ndruhu.
Hewisa enaʼö ahori uʼila haniha zi ndruhunia Samaduhuʼö Yehowa?
Hadia nifaluagu na omasido ufahaʼö ndraʼo ba Zura Niʼamoniʼö?
-
Tola öfoʼösi garate ba www.pr418.com/nia.
Te Göi Adöni Dödöu
SANANDRÖSA KHÖMA
Hewisa Halöwö Famahaʼö ba Zura Niʼamoniʼö Nifaluama?
Ba zi sagörö ulidanö, labeʼe wamahaʼö moroi ba Zura Niʼamoniʼö ira Samaduhuʼö Yehowa ba lö laʼandrö gefe. Faigi hewisa wamalua yaʼia. Ogunaʼö Zura Niʼamoniʼö si so khöu.
SANANDRÖSA KHÖMA
Falukhaisi Ndraʼo
Omasido ufahaʼö ndraʼo ba Zura Niʼamoniʼö, mazui uʼalui nasa danö böʼö sanandrösa khö ndra Samaduhuʼö Yehowa.
SANANDRÖSA KHÖMA
Hana Wa Moguna Tafahaʼö Ita ba Zura Niʼamoniʼö?
No ihenaigö Sura Niʼamoniʼö wanema li ba wanofu-nofu sabölö moguna ba waʼauri niha si zuta faʼato ba zi sagörö ulidanö. Hadia omasi öʼila wanema linia?
