Jehova Diospa testigonkunaqa Diosmanta willakusqanchikwanmi riqsichikunchik. Ichaqa ¿yacharqankichu enteron pachapi bibliawan yachachisqaykuta?

2014 watapim 8.000.000 masnin Jehova Diospa testigonkuna 9.500.000 runakunata bibliamanta yachachirqaku 240 nacionkunapi hinaspa llaqtachakunapi. * 140 nacionkunapa runankunam, kayna yachachisqaykumanta aslla kanku.

Bibliamanta yachachinaykupaqqa sapa watam yaqa 1.500 millon qillqakunata ruwaniku 700 rimaykunapi. Kaymi yanapan rimayninkupi runakuna Diosmanta yachanankupaq.

¿Imaynatam yachachinku?

Bibliapa sapa yachachikuyninmantam yachachiniku. Diosmanta rimaspanmi bibliaqa nin pi kasqanta, imayna kasqanta, ima sutin kasqanta maypi kasqanta hinaspa imaynata amistadnin kanamantapas. Bibliamanta yachaqkunamanpas, tapukuyninkunapa kutichiyninta bibliankupi imaynata tarinankupaqmi yachachiniku.

Chaypaqmi ¿Imatapunim Bibliaqa yachachin? * qillqawan yanapachikuniku. Kaymi ruwakurqa bibliamanta runakunaman yachachinaykupaq. Yachachinmi Diosmanta, Jesucristomanta, imanasqa ñakarisqanchikmanta, wañuqkunamanta, Diosta mañakuymanta hinaspa huk yachachikuykunamantapas.

 ¿Maypi hinaspa haykapim yachachinku?

Kikikim akllakunki maypi hinaspa haykapi bibliamanta yachanaykipaqqa.

¿Hayka horatam yachachinku?

Kikikim hayka hora yachanaykipaq tanteanki chayman hinam ñuqayku watukamusaykiku. Achka runakunam sapa semana huk horata bibliamanta yachanankupaq tanteanku. Wakinmi ichaqa 10 utaq 15 minutolla estudianku.

¿Hayka qullqipaqtaq?

Manam qullqipaqchu. Yachachisqaykuwan qillqakuna servichikusqaykuqa mana qullqillapaqmi. Jesusmi qatiqninkunata nirqa: ‘Qamkunaqa mana imallapaqmi chaskirqankichik [...], mana imallapaqtaqyá qamkunapas qumuychik’, nispa (Mateo 10:8).

¿Unaytachu yachachinku?

Tiempoykiman hinallam. ¿Imatapunim Bibliaqa yachachin? niq qillqapiqa 19 yachachikuykunam kan. Mayqannintapas akllaspaykiqa tiempoykipa kasqanman hinam chaymanta yachawaq.

Yachasqaymanta qipamanqa ¿Jehova Diospa testigonñachu kanay?

Manam. Imapi iñinaykipaqqa kikikim tanteakunayki. Ichaqa bibliamanta yachasqaykim yanapasunki allinta tanteanaykipaq.

 ¿Maypitaq astawan yachayman?

Internetpim jw.org nisqanpi, chaypim ñuqaykumanta achka yachachikuykunata tarinki, imapi iñisqaykumanta hinaspa imakuna ruwasqaykutapas.

¿Imatam ruwanay watukamuwanankupaq?

• Huntachiwaqmi www.pr418.com nisqanpi kaq huntachinapaq kaqta.

• Kay qillqapa 2 kaq paginanpi rikuriq huk kaqnin direccionmanpas qillqawaqmi.

• Maskawaqtaqmi telefonokunapa numeron rikurimuq qillqapi Jehova Diospa testigonkunapa numeronta, chaynapi qayanaykipaq.