LICHUWINAN TUKU WI KXMAKNI REVISTA | ¡KAKATSI TUKU MASIYA BIBLIA!
Kamakgalhtawakgekan putum latamanin xlikalanka katiyatni
Xtatayananin Jehová kinkalilakgapaskanan xlakata lichuwinanaw Dios. Pero ¿katsiyata pi kamakgtayayaw latamanin xlikalanka katiyatni xlakata nakatsikgo tuku wan Biblia?
Lata kata 2014, liwaka 8,000,000 xtatayananin Jehová mastakgolh takgalhtawakga atsinu ni 9,500,000 tlawakgo akgatunu papaʼ k240 países chu niku lichuwinankgo Dios. * Asta, 140 países tlakg lhuwa tiku kinkatakgalhtawakgamakgon ni xawa tiku lamakgolh anta.
Xlakata tlan namakgalhtawakgenanaw, ktlawayaw kata kata atsinu ni 1,500 millones likgalhtawakga ktlawayaw Biblias, libros, revistas chu folletos max 700 tachuwin. Uma tuku tlawakan nitu tuku tatalakxtumi xlakata tlan nakgalhtawakga ktachuwin nema xla lakaskin.
TAKGALHSKININ NEMA TLAKG TLAWAKAN XLAKATA TAKGALHTAWAKGA
¿La tatlawa uma takgalhtawakga?
Kʼuma takgalhtawakga lakputsananikan tuku wan Biblia pulaklhuwa temas nema lichuwinan Biblia. Akgtum liʼakxilhtit, Biblia lichuwinan tiku Dios, la likatsi, xtukuwani, niku wi chu komo tlan xʼamigos nawanaw. Tiku kamakgalhtawakgemaka kamasiyanikan niku tlan natekgskgo xtakgalhtinkan chu xtakgalhskininkan, anta kBiblia.
Wa xlakata kmaklakaskinaw libro nema wanikan ¿Tuku xlikana masiyay Biblia? * Uma libro tatlawalh xlakata nakalimakgtayakan latamanin naʼakgatekgskgo tuku xlikana masiya Biblia. Limin capítulos nema lichuwinan xlakata Dios, xlakata Jesucristo, tuku xlakata patinamaw, xlakata linin, xlakata oración chu tipalhuwa temas.
¿Niku chu tuku kilhtamaku makgalhtawakganankgo?
Wix nalaksaka niku chu tuku kilhtamaku nakgalhtawakgaputuna.
¿La xlilhuwa makgapala akgatunu takgalhtawakga?
Kilhtamaku nema wix matlaniya. Tlan naklakgpaliyaw akxni nalimakgwaniyan. Lhuwa latamanin laksakkgo nakgalhtawakgakgo max akgtum hora akgatunu semana o ni natakgatsi. Makgapitsi kaj akgkaw o akgkukitsis minuto kgalhtawakgakgo.
¿La xlilhuwa taxokgo takgalhtawakga?
Ni taxokgo. Takgalhtawakga chu tuku talimaklakaskin ni taxokgo. Asta, Jesús kawanilh kstalaninanin: «Kaj chunata makgamakglhtinantit, pus na kaj chunata nkamastatit» (Mateo 10:8).
¿La makgapala takgalhtawakga?
Kilhtamaku la wix nalakaskina. Libro ¿Tuku xlikana masiyay Biblia? limin 19 capítulos. Wix tlan nalikgalhtawakgaya chuna la lakaskina.
¿Talakaskin xtatayana Jehová naklitaxtu?
Ni. Akinin ni kkawaniyaw latamanin xlakata tuku nakanajlakgo. Pero, katsikan tuku wan Biblia nakinkamakgtayayan xlakata liwana nalaksakaw.
¿Niku tlakg tekgskan tuku katsiputuna?
Kkisitiojkan jw.org/jw-tot xla Internet tlakg natekgsa tuku katsiputuna nema xaʼakchan chu tlan lipawankan xlakata kintakanajlakan chu tuku ktlawayaw.
¿Niku tlan natatsokgtawilaya?
-
Tlan naskina pi nalakgapaxialhnankana kamalakgatsama formulario nema wi ksitio jw.org/jw-tot.
-
Kaputsa número anta kʼguía telefónica xtatayananin Jehová xalak minkachikin chu kakatachuwinanti.
You May Also Like
KTLAWAYAW LIKGALHTAWAKGA
La imprimirlinankan xlikalanka katiyatni xlakata nakamakgtayakan latamanin nalakgapaskgo Dios
Xtatayananin Jehová kgalhikgo 15 imprentas xlikalanka katiyatni tlawakgo likgalhtawakga nema takilhtinit Biblia k700 tachuwin.
XLAKATA AKININ
¿Tuku tatlawa kʼakgtum takgalhtawakga xalak Biblia?
Xliputum katiyatni, xTatayananin Jehová limakgalhtawakgenankgo Biblia, ni matajinankgo chu ni tuwa la masiyakgo. Kaʼakxilhti la tlawakgo. Liwana kalakgapasti miBiblia.
XLAKATA AKININ
Kaskinti nalakgapaxialhnankana
Kakatsi xtakgalhtin akgtum takgalhskinin xalak Biblia o tlakg kakalakgapasti xtatayananin Jehová.
XLAKATA AKININ
¿Tuku xlakata nalikgalhtawakgaya Biblia?
Biblia kamakgtayanit millones latamanin xlikalanka katiyatni xlakata tlan nakgalhikgo xtakgalhtin xtakgalhskininkan. ¿Na lakaskina nakgalhtikana mintakgalhskinin?
