Ukwasuka Mauzyo Amuli Baibo
Uzye Uwanda wa Upinguzi icani?
U mulandu ci uno uwanda wa upinguzi ulayela uwa nsansa?
Umu nsita ya ina Izlaeli, Leza waomvyanga ya kapingula ukupususya antu yakwe uku lufyengo. (Yakapingula 2:18) Baibo ikalondolola ukuti, Uwanda wa Upinguzi ilaya insita iya nsansa lino Yeova, ka Pingula wa nsi yonsi ala pususya antunze uku lufyengo.—Welengini Masamu 96:12, 13; Ezaya 26:9.
Leza wasonta Yesu ukuti aaliwe akapingule ningo antunze yonsi apuma na afwe. (Milimo 10:42; 17:31) Umu Wanda wa Upinguzi, amuno Yesu alatuutulula antu aingi yano yakaafwa ukwaula kuti yamanye Leza, pakuti limwi yangaca yamanye Leza wa cumi nu kumutemwa.—Welengini Milimo 24:15.
U mulandu ci uno Uwanda wa Upinguzi ulaya u wa myaka izimbi?
Antu aafwa yalatuutuluka umu myaka izimbi (1,000). (Umbwilo 20:4, 12) Yalalondeka ukupeelwa insita yakusambilila pali Leza nu kuya acuvwila kuli aaliwe. Vino antu aingi yakaelengaya pa wanda wa upinguzi, vyapusana sana na vino Baibo ikalanda. Baibo ikatuneena ukuti, antu yalapingulwa pali vino yalaacita pacisila ca kutuutuluka.—Welengini Loma 6:7.
Nupya Baibo ikaalanda na pa wanda uulapumikizya uno Leza alapingwilamo antu lino imyaka izimbi (1,000) itaatala yatandika. Uwanda uu ukaamwa nu kuti, impelelekezyo. Apa wanda kwene uwa, Leza alonona yakacita ya viipe yonsi. (2 Petulo 3:7) Fwandi, tufwile ukutwalilila ukuombela Leza nu kumutemwa.—Welengini 2 Petulo 3:9, 13.
