A Nger er Aike el Ker er a Biblia
A NGER ER AIKE EL KER ER A BIBLIA
Ngerang a Sils er a Kerrekeriil?
A irechar e a Dios a uluusbech er a rechad el mo mengetakl er a rechedal e olsobel er tir er a mekngit el omeruul. (Mengeteklel 2:18) Me a Biblia a mesaod er sel Sils er a Kerrekeriil el mo er ngii el kmo, ngkmal ungil el taem e le Jehovah el Ngike el Oukerrekeriil er a beluulechad el rokir a mo osebelterir a rechad er a mekngit el omeruul me a chelebirukel.—Monguiu er a Psalm 96:10, 12, 13; Isaia 26:9.
A Dios a mla tutkii a Jesus el mo oukerrekeriil er a redi ngar me a remla mad. (Rellir 10:42; 17:31) A rebetok el chad a mlad el dimlak lodengelii a Dios. Me ngar er sel Sils er a Kerrekeriil e a Jesus a mo olekiis er tir er a kodall me bo el sebechir el mo medengelii a mera el Dios e mo betik a rengrir er ngii.—Monguiu er a Rellir 24:15.
Ngera uchul me a Sils er a Kerrekeriil a mo ta el telael el rak a klemengetel?
A rulekoad a mo mekiis er a chelsel a ta el telael el rak. (Ocholt 20:4, 12) Te mo ousbech er a klou el taem el mo mesuub a soal a Dios e mo olengesenges er ngii. Me alta e a rebetok a kuk ngodech a uldesuir, engdi a Biblia a ochotii el kmo a rechad a mo mukerrekeriil el ultuil er aike el bo loruul er a uriul er a lebekiis er a kodall.—Monguiu er a Rom 6:7.
A Biblia a dirrek el mesaod el kirel a ta er a sils er a kerrekeriil el mo er ngii er a uchei er a lomuchel a ta el telael el rak, e tiang a di kedeb el taem. Tia el sils a di osisiu ngii me a ulebongel er a beluulechad el losaod er ngii aike el suobel er a medal tia el babier. Ngar er tia el sils e a Dios a mo okngemedeterir tirke el rokui el mekngit el chad el diak longull er ngii. (2 Petrus 3:7) Me ngkmal kired el ochotii a bltkil a rengud el mo er a Dios er chelechang.—Monguiu er a 2 Petrus 3:9, 13.
A lsoam a lmuut el omesodel, e momes er a 244 el llel tia el babier, Ngerang Mera el Lolisechakl a Biblia?, el mirruul er a Resioning er a Jehovah
Ngdirrek el ngar er ngii er a www.pr418.com/pau