Unë tiempuchöqa markanta mana allikunapita libranampaqmi Diosqa juezkunata churaq (Juëces 2:18). Juiciu Junaqpaq Biblia parlarqa willakun, entëru Patsapa Jueznin Jehovä mana allikunapita nunakunata libranampaq kaqtam. (Leyi Salmu 96:12, 13 y Isaïas 26:9.)

Diosqa tsëta ruramunqa Jesuswanmi, pëtam akrashqa wanushqakunata y kawëkaqkunata juzganampaq (Hëchus 10:42; 17:31). Juiciu Junaq witsanmi kawaritsimunqa Diosta mana reqikar wanushqakunata, tsënöpa pëkunapis Diosta reqiyänampaq y kuyëta yachakuyänampaq. (Leyi Hëchus 24:15.)

Juiciu Junaq waranqa wata kanampaq kaqtam Bibliaqa willakun. Tsë tiempuchömi wanushqakuna kawariyämunqa y Diospita yachakurmi pëta reqita puëdiyanqa (Apocalipsis 20:4, 12). Mëtsikaqmi creiyan manaraq wanur rurayanqankunapita, juzgashqa kayänampa kaqta. Peru Bibliaqa willakun kawariyämunqampita patsëraq juzgashqa kayänampaq kaqtam. (Leyi Romänus 6:7, NM.)

Bibliaqa parlanmi juk juiciu junaqpaqpis, tsëqa illaqpitam chämunqa manaraq waranqa wata qallaptin. Tsë junaqtaqa ushakë junaq nirpis qayayanmi, kë revistapa qallanan kaq päginankunachö rikanqantsiknö. Tsë juiciuchömi Diosqa mana alli nunakunata ushakätsinqa (2 Pëdru 3:7). Tsëmi, Diosta rasumpa kuyanqantsikta rikätsikunantsik. (Leyi 2 Pëdru 3:9, 13, NM.)