Сиз «Гаравул диңи» журналының соңкы санларыны үнсли окадыңызмы? Онда ашакдакы сораглара җогап бермәге сынанышың

Хер йыл гечирилйән Ятлама агшамына нәхили тайярлык гөрмели?

Мукаддес Язгылардан Ятлама агшамына дегишли аятлары окамалы ве көпрәк вагыз этмели. Шейле-де дога эдип, гелеҗеге болан умыдымыз барада ойланмалы. 15/1 сах. 14—16.

Япон халкына нәхили совгат берилди?

«Мукаддес Язгыларың Тәзе дүнйә терҗимесинден» алнан «Маттаның хош хабары» айратын китап хөкмүнде чап эдилди. Доган-уялар бу китапчаны вагызда пайлаярлар; Мукаддес Язгылар барада билмейән адамлар оны хөвес билен алярлар. 15/2 сах. 3.

Ыхласлы вагыз этмәге нәме көмек эдйәр?

Биз яңы-якында вагызчы боланлара көмек этсек, вагызда имандашымыз билен рухландырыҗы гүррүң этсек, ызыгидер шахсы окувыны гечирсек, садык хызматкәриң берйән маслахатларына эерсек ве максат гойсак ыхласлы вагыз эдип, шатлык тапарыс. 15/2 сах. 15—18.

I асырда хош хабарың яйрамагына нәме тәсир этди?

Рим парахатчылыгы дөврүнде уруш аз болярды. Говы гурлан ёллар үстүнликли вагыз этмәге көмек эдйәрди. Грек дилиниң гиңден яйрамагы хош хабарың бүтин Рим империясына, хатда ехудылара вагыз эдилмегине ярдам эдйәр. Кәбир шәгиртлер Рим кануны аркалы вагыз ишини гораярдылар. 15/2 сах. 20—23.

Йити ыслы атырдан эҗир чекйән доган-уялара нәдип көмек этсе боляр?

Мукаддес Язгыларда атыр сепинмек бабатда гөркезме берилмейәр. Эмма йыгнак яшулулары ягдайы дүшүндирмек үчин өңки макалалара эсасланып, бу бабатда билдириш эдип билерлер. Доган-уялар йыгнакда йити ыслы атыры азрак сепинип, башгаларың аладасыны эдйәндигини гөркезйәрлер. 15/2 сах. 29.

Эдебиятларымызда көпленч Мукаддес Язгылардакы вакалар пыгамберликлер билен деңешдирилип дүшүндирилйәрди. Эмма инди нәме үчин шейле дүшүндирилмейәр?

Мукаддес Язгылардакы вакалар кәте улы мөчберде ерине етйәрди. Меселем, Галатялылар 4:21—31-де пыгамберлик гиңишлейин дүшүндирилйәр. Эмма Худайың Сөзүне эсасланып, вакалары пыгамберликлер билен деңешдирип дүшүндирмели. Элбетде, биз Мукаддес Язгыларда агзалан әхли вакалардан ваҗып сапак эдинип билйәрис (Рим. 15:4). 15/3 сах. 17, 18.

«Ребде» дурмуш гурмак бош арзувмы?

«Ребде дурмуш гурмалы» диен маслахата эерйән месихчилер Ехованы шөхратландырып, багтлы яшаярлар (Зеб. 112:1, 3). Эгер биз берлен маслахата гулак асмасак, эрбет нетиҗе гетирҗекдигине дүшүнмели. Биз дога аркалы өзүмизи барламалы, говы хәсиетлери өсдүрмели ве өзүмизе тай тапянчак гарашмалы. 15/3 сах. 30—32.

Йыгнак гатнашыкдан кесмеклик сөйги билен берилйән тербиеми?

Мукаддес Язгыларда йыгнак гатнашыкдан кесилмегиң пейдасы барада дүшүндирилйәр (1 Кор. 5:11—13). Бу Худайың адыны мукаддес этмәге, йыгнагы арасса сакламага ве гүнә эден адама тоба этмәге ярдам эдйәр. 15/4 сах. 29, 30.

Чапылан агач ене гөгерерми?

Чапылан зейтун агаҗының көки узын болса, ол яш агач кимин ене-де өсүп башлаяр. Эйюп пыгамбер Худайың адамлары дирелтмегини зейтун агаҗы билен деңешдирйәр (Эйюп 14:7—9). Ехова Худай ве оңа вепалы адамлар дирелише сабырсызлык билен гарашярлар. 15/4 сах. 32.