E mata kai faitau faka‵lei koe ki lōmiga o Te Faleleoleo Maluga? Onoono aka māfai e mafai o tali mai ne koe a fesili konei mali lalo:

E mata, e ‵tau o ‵talo atu a Kelisiano ki a Iesu Keliso?

Ikai. Ne fakaakoako ne Iesu tatou ke ‵talo atu ki a Ieova kae ne tuku mai ne ia se fakaakoakoga mai te ‵talo atu ki tena Tamana. (Mata. 6:6-9; Ioa. 11:41; 16:23) Kae tena foki eiloa te mea ne fai ne ana soko mua, ne ‵talo atu eiloa latou ki te Atua kae sē ki a Iesu. (Galu. 4:24, 30; Ko. 1:3)—1/1, itulau e 14.

Ne a mea e fai ne tatou i tausaga katoa ke fakamanatu ki ei te mate o Iesu?

E tasi te mea e ‵tau o fai ne tatou ko te tumau i te fakasologa o te faitauga ki te Tusi Tapu mō te fakamanatuga tenei. E mafai foki ne tatou o fakamalosi ke moemea aka tou mea e fai i te galuega talai i te vaitaimi tenei. Kae ‵talo atu foki e uiga ki te ‵tou fakamoemoega telā e tuku mai ne te Atua.—1/15, itulau e 14-16.

Ne a ikuga ne maua ne pagota Aikupito tokolua mai i lā moemiti kolā ne fakamatala atu ki a Iosefa?

Ne fakamatala atu ne Iosefa ki te tino ave uaina a te Falao me ka toe fakafoki atu a ia ki tena tulaga mua. Kae e fakauiga loa te moemiti o te tagata faka‵fete falaoa me ka tamate a ia ne te Falao kae tautau i luga i se lakau. Ne taunu ‵tonu eiloa a fakamatalaga konā. (Kene. 40:1-22)—2/1, itulau e 12-14.

Se a te meaalofa fakaofoofogia ne maua ne taina i Tiapani?

Ne maua ne latou se tamā tusi e uiga ki te tusi o Mataio i te Tusi Tapu o te Lalolagi Fou. Ne tufatufa atu ne latou i te galuega talai, kae ne talia mo te fiafia ne te tokoukega o tino kolā e se masani ‵lei ki te Tusi Tapu.—2/15, itulau e 3.

Ne a fakanofonofoga i te senitenali muamua ne fesoasoani i te fakasalalauatuga o te ‵tala ‵lei?

A te malosi o te Vaitaimi o te Filemu e fakauiga eiloa ki te mu‵tana o fakalavelave. Ne mafai ne soko mua o faima‵laga atu i luga i auala ‵lei. Ne lasi te fakaaogaga o te ‵gana Eleni, fakafaigofie te talaiga kae penā foki te salalau atu o tino Iutaia i te emupaea kātoa. Kae ne mafai foki ne soko o fakaaoga a tulafono Loma i te taua atu mō te tala ‵lei.—2/15, itulau e 20-23.

Kaia e se fakamanatu ei ne Kelisiano ‵tonu a te Eseta?

Ne fakatonu atu a Iesu ki ana soko ke fakamanatu tena mate kae se ko te tena toetuga.—(Luka 22:19, 20)—3/1, itulau e 8.

I tausaga fakamuli nei, kaia ko se fakaaoga malosi a ata fakavaloaga mo te fakataunuga o ata fakavaloaga i ‵tou tusi?

E fai mai te Tusi Tapu me isi ne tino taki tokotasi e fakaata mai ne latou se ata fakavaloaga o se mea tai lasi atu. E pelā mo te mea e fakaasi mai i te Kalatia 4:21-31. Kae e ‵lei atu ke se tuku taumate a te fakataunuga o ata fakavaloaga. E tiga i ei, e mafai eiloa o tauloto ne tatou a akoakoga mai i tino taki tokotasi mo mea ‵tupu kolā e fakaasi mai i te Tusi Tapu. (Loma 15:4)—3/15, itulau e 17-18.

Kaia ne tāua ‵ki ei a potu pepa kolā ne maua mai i se koga ‵pei kāiga mua i Aikupito?

I te senitenali muamua, ne maua atu eiloa i potu pepa konā a vaega o te Evagelia a Ioane. E foliga mai me ne tusi fua i se fia sefulu tausaga mai tua o te tusiga ne Ioane tena tusi, kae e fakamaoni mai ne tusitusiga i loto i ei kolā ne oko mai ki ‵tou aso nei, a te ‵tonu o te Tusi Tapu.—4/1, itulau e 10-11.

Kaia te fakateaga o se tino sē salamō e fai pelā me se faifaiga alofa?

E tuku mai i te Tusi Tapu a auala tāua e ‵tau ei o fakatea se tino kae e maua foki ei ne tatou a mea aoga mai ei. (1 Koli. 5:11-13) E faka‵malu aka ei te igoa o te Atua, puipui ei te ‵ma o te fakapotopotoga kae fesoasoani atu foki ki te tino fai mea ‵se ke toe maua ne ia se kilokiloga ‵lei.—4/15, itulau e 29-30.