Janet marlun­nik qitor­nalik ima oqalut­tuar­poq: “Ataataga toqoq­qam­mer­toq uima oqarfigaanga al­lamik sam­misaqalersimal­luni. Kingusin­nerusuk­kut atisani tamaasa poor­toriarlugit oqaaseqar­naniluun­niit qimap­paatigut.” Janet sulif­fit­taar­poq, akis­sarsiaali il­lumut akiitsunut naam­man­ngil­lat. Taman­naan­naan­ngilarli. Ima nangip­poq: “Akisus­saaf­fiit nutaat isumagisas­sak­ka isumakuluutiginermik sapilersutut misigiler­punga. Angajoq­qaat al­lat as­sigalugit qitor­nak­ka pilersorluarsin­naan­ngin­nak­kit ilerasut­tar­punga. Al­laat maan­namut al­lat uagut pil­luta qanoq isumaqar­nersut isumakuluutigisar­para. Aap­pariit­tuarumal­luta sapin­ngisan­nik iliuuseqar­nersunga apeq­quser­tar­paat?”

Janetip qinusar­neq misigis­sutsinik aqutsinis­saminut Guutimil­lu ikin­nguteqarluar­neruler­nis­saminut iluaqutigaa. “Un­nuk­kut suna tamarmi nipaaruk­kaangat isumakuluin­naleraangamalu ar­tor­nar­ner­paasar­poq. Qinuneq Biibilimil­lu atuar­neq siniler­nis­san­nut iluaqutaasar­put. Filip­pimiunut al­lak­kat 4:6, 7 al­las­simaf­fiit nuan­nariner­paasama ilagaat: ‘Sumil­luun­niit isumakuluuteqar­naveeritsi, kis­saatigisasili qanoq it­tuk­kul­luun­niit Guutimut saq­qum­miut­tarsigit qinul­lusi torlulal­lusilu qujal­lusilu. Taava eq­qis­sinerup Guutimit pisup siuneqas­suser­nit tamanit an­nerungaar­tup uum­matisi eq­qarsaatisilu ser­nigis­savai.’ Un­nuk­kut qinugaangama Jehovap eq­qis­sineranit tup­pal­lersar­neqar­tutut misigisar­punga.”

Jiisusip qaq­qami oqaluutsimini qinunermut tun­ngatil­lugu oqaasii isumakuluutinut qanoq it­tunul­luun­niit atuup­put: “[Ataatas­si] pisariaqak­kasi ilisimareer­pai suliluun­niit qin­nuigin­ngik­kis­sin­ni.” (Mat­thæusi 6:8) Aam­ma qin­nuiginis­saa pisariaqar­poq. Qinuneq pis­sutiginerul­lugu ‘Guutimut qanil­lisar­pugut’. Qanil­ligaangatsigulu ‘taas­suma qanil­lisar­paatigut’. – Jaaku 4:8.

Aap, qinuneq isumakuluutinik oqaatigin­nin­neq pis­sutigalugu iluaal­lan­nis­samut iluaqutaagin­nar­neq ajor­poq. Jehova, ‘qin­nutitsin­nik tusar­tar­toq’,  up­per­nik­kut im­minik noq­qaas­sutigin­nit­tut sin­nerlugit aam­ma iliuuseqar­tar­poq. (Tus­siaat 65:3) Taamaat­tumik Jiisusip ajoqersuk­kani ‘qasusuil­luni qinujuar­nis­samik’ ilin­niar­tip­pai. (Lukasi 18:1) Guutip up­per­ner­put pil­lugu akis­sarsisik­kumaaraatigut qularinagu taas­suman­nga siulersor­neqar­nis­sar­put ikior­neqar­nis­sar­pul­lu noq­qaas­sutigisariaqar­pavut. Ikiuerusun­nera ikiuisin­naaneralu qularin­ngit­tuaan­narsin­naavar­put. ‘Qinut­tuin­nar­nitsigut’ ersersit­tar­par­put taan­na up­peril­luin­narlugu. – 1 Thes­salonikamiut 5:17.

Up­per­nerli qanor­piaq paasisariaqar­pa? Guutip kinaas­susivianik “ilisiman­nin­neq” up­per­nermut ilaavoq. (Johan­nesi 17:3) Siul­ler­tut taamaalior­tar­pugut Biibili aq­qutigalugu Guutip eq­qarsar­taasianik pigilius­sinik­kut. Tamat­ta ataasiak­kaatut soqutigigaatigut ikiorusuk­kaatigul­lu nalun­ngilar­put. Up­per­nerli Guuti pil­lugu ilisimasaqar­nermut tun­ngaan­narani ataq­qin­nil­luni taas­sumin­nga ikin­nguteqar­nermut tun­ngavoq. Inum­mut tun­ngatil­lugu pisar­nitsitut Guuti ul­lup ataatsip ingerlanerin­naani ikin­ngutigilersin­naan­ngilar­put. Pif­fis­sap ingerlanerani Guuti ilisarisimanerujar­tor­til­lugu, taas­suma ‘iluarisaanik ilior­til­luta’ ikiuisar­neratalu misigisar­nerani ‘up­per­ner­put al­lisar­poq’. (2 Korinthimiut 10:15; Johan­nesi 8:29) Janetip taamatut up­per­nini isumakulun­nermik qaangiinis­saminut iluaqutigaa.

Janet ima oqalut­tuar­poq: “Jehovamit ikior­neqar­tuar­nera up­per­nik­kut nakus­satsis­sutigaara. Arlaleriarluta naaper­tuil­luan­ngitsulior­nerit qaanger­neqar­pasis­sin­naan­ngitsut misigivavut. Qinoqat­taaraangat­ta Jehova takorloorsiman­ngisaan­nak­kan­nik ikiuisar­poq. Qutsavigigaangak­ku uagutsin­nik ikiuingaarsimanera eq­qaasar­para. Pif­fis­saq eq­qorlugu, amerlaner­tigut pif­fis­sami pisariaqar­titsiner­paaf­fitsin­ni, ikior­tar­paatigut. Aam­ma kristumiunik ilumoor­tunik ikin­ngutitaar­tip­paanga. Taak­ku ikiuinis­samin­nut piareersimajuarlutil­lu qitor­nan­nut maligas­saal­luar­put.” *

“Nalun­ngilara Jehovap ‘avin­neq uumigigaa’. (Malaki 2:16, NW) Taamatut ilumuun­ngitsuliorfigineqar­neq aap­paasumut pisuus­suteqan­ngitsumut ar­tor­nar­ner­paavoq. Ukior­pas­suit qaangiup­put uima qimam­matigut, ilaan­nik­kul­li kiserlior­tutut naleqan­ngitsutul­lu misigisar­punga. Taamatut misigileraangama al­lanik ikiuiniar­tar­punga, tamatigul­lu iluaqutigisar­para.” Im­mik­koor­nian­ngin­nis­samik Biibilimi najoq­qutas­siaq maleruar­neratigut Janet isumakulup­pal­laar­naveersaar­tar­poq. – Us­satit 18:1.

Janet ima nangip­poq: “‘Guutip iliarsun­nut ataataanerata uil­lar­ner­nul­lu ser­nis­suisuunerata’ ilisimanera tup­pal­lersaatigingaar­tar­para. Uima pisimaneratut qiman­ngisaan­nas­savaatigut.” (Tus­siaat 68:6) Janetip nalun­ngilaa Guutip ‘ajor­tumik us­ser­neq ajoraatigut’. ‘Ilisimas­susermil­li tamanut’ tunisisarlunilu isumakuluutivut qaanger­nias­sagatsigit ‘pis­saanermik as­seqan­ngitsumik’ tunisar­paatigut. – Jaaku 1:5, 13; 2 Korinthimiut 4:7.

Taavami navianar­torsior­ner­put pis­sutigalugu isumakuluuteqarut­ta?