Amasuko ku Mepusho ya mu Baibolo
Cinshi cilenga abantu balecita ifyabipa?
Nani atunkile yesu ukucita ifyabipa?—Mateo 4:8-10
Mu cifyalilwa fye, abantu balafwaya ukuba aba mutende, aba cishinka kabili aba luse. Nomba cinshi abantu bacitila ulukakaala, ico bafyengela abanabo kabili cinshi babela abankalwe? Tulomfwa sana amalyashi ayalanda pa fintu ifyabipa. Bushe kwaliba uulenga abantu ukulacita ifyabipa?—Belengeni 1 Yohane 5:19.
Bushe Lesa alefwaya ukuti abantu balecita ifyabipa? Iyo, pantu Yehova Lesa abumbile abantu mu cipasho cakwe kabili afwaya baletemwa abantu nga fintu Lesa abatemwa. (Ukutendeka 1:27; Yobo 34:10) Lesa na kabili alipeela abantu insambu sha kuisalila abene ifyo balefwaya ukucita. Ilyo Adamu na Efa basalilepo ukumfwila Satana, balikeene Lesa kabili calengele babe ababembu. Na ifwe tuli babembu pantu bena balibembwike.—Belengeni Amalango 32:4, 5.
Bushe abantu bakatwalilila fye ukucita ifyabipa?
Lesa tafwaya ukuti tulecita ifyabipa. (Amapinda 27:11) E ico alatusambilisha ifyo tulingile ukucita pa kuti twilacita ifyabipa na pa fyo tulingile ukucita pa kuti tuleba ne nsansa. Pali ino inshita, te kuti tutemwe abantu umupwilapo nga fintu Lesa abatemwa.—Belengeni Amalumbo 32:8.
Nangu ca kuti ububifi bwalifula nga nshi, Lesa alibusuminisha fye pa nshita inono pa kuti bonse twamona amafya abantu bakwata nga balecta ifyabipa. (2 Petro 3:7-9) Nomba line, pa calo pakaba fye abantu abomfwila Lesa.—Belengeni Amalumbo 37:9-11.
Nalimo Kuti Mwatemwako ne fi
AMASUKO KU MEPUSHO YA MU BAIBOLO
Bushe Satana E ko Aba?
Bushe Satana bubifi fye ubwaba mu mitima ya bantu?
