Kumbululo Lia Yihula ya Mbimbiliya
Upi kulihi wakwiza?
IYa wesekele yesu hanga alinge yuma yipi?—Mateu 4:8-10
Kwamba pundu, atu kakuzanga akwa-sambukila, ululi, ni yimbovu. Mba mumu liaka, mashimbu eswe twakumona ungulungulu, uhenge ni utoji? Sango jipi jakusoloka chinji, shina kuli umwe yoze wakushinjila atu hanga alinge upi nyi?—Tanga 1 Yoano 5:19.
Shina Zambi katangile atu ni nyonga liakulinga upi? Ka, Yehova Zambi katangile atu mu chano chenyi, ni nyonga lia kumwimbulula. (Usolwelo Upu. 1:27; Yombi 34:10) Alioze Zambi nawa kahanyine uhenya kuli atu ha kwaaha nyonga lia kusakula chize mazanga kulinga. Muze yisemi jetu atangu asakwile kulinga upi, o kehukile chilweza cha Zambi ni kupwa akwa-uhenge. Tunakahinga shili kuli ayo. Tanga Shimbi Yamuchiali 32:4, 5.
Shina upi muununga mashimbu eswe nyi?
Zambi kanazange hanga twehuke yitanga yetu yipi. (Yishima 27:11) Kashika iye anatulongesa chize mutwehuka kulinga yuma yipi ni chize mutupwa ni uwahililo wamwenemwene. Ha mashimbu wano kutuchi kuhasa kwimbulula zango lia Zambi ni ungunu weswe.—Tanga Samu 32:8.
Chipwe ngwe haliapwila upi kuunoko chinji, alioze Zambi kanawecha ha limwe shimbu likepe, hanga atu eswe amone upi uze wakwiza ku yitanga yo yipi. (2 Petulu 3:7-9) Kwasala hakehe hashi hazale ni atu achiseke waze akwononokena Zambi.—Tanga Samu 37:9-11.
Kota Muzanga Chinji Yuma Yize Mumona
KUMBULULO LIA YIHULA YA MU MBIMBILIYA
Shina Ndiapu Kali Wamwenemwene?
Shina Ndiapu kali manyonga api mu mbunge ya mutu nyi kali lume mutu wamwenemwene?
