LABIB I REPONN

Kote lemal i sorti?

Normalman, dimoun i anvi onnet, zantiy e viv anpe avek lezot. Me alors, akoz i annan sa kantite vyolans, lenzistis ek kriyote? Konmela nou souvan pe tann bann nouvel sokan. Eski i annan en personnaz ki pe enfliyans dimoun pour fer bann move keksoz?​—Lir 1 Zan 5:19.

Eski Bondye in kree imen avek sa tandans pour fer sa ki mal? Non. Zeova in kree bann imen dan son resanblans avek sa tandans pour imit son lanmour. (Zenez 1:27; Zob 34:10) Me Bondye in osi donn bann imen sa liberte pour swazir. Kan nou premye paran ti swazir pour fer sa ki mal, zot ti rezet legzanp Bondye e zot ti vin enparfe. Nou’n erit sa tandans pour fer pese avek zot.​—Lir Deterononm 32:4, 5.

Eski i pou toultan annan lemal?

Bondye i anvi nou lalit kont nou bann move tandans. (Proverb 27:11) Alor i ansenny nou lo ki mannyer pour evite fer sa ki mal e konman pour trouv vre lazwa. Kantmenm sa, nou pa kapab imit lanmour Bondye parfetman konmela.​—Lir Psonm 32:8.

Lemal i partou kote ozordi. Me Bondye pe permet sa arive pour en serten peryod letan pour dimoun vwar bann move konsekans ki lemal i anmennen. (2 Pyer 3:7-9) Me byento, later pou ranpli avek dimoun ere ki obeir Bondye.​—Lir Psonm 37:9-11.

Pour plis lenformasyon vwar sapit 3 dan sa liv Ki Labib i vreman dir? pibliye par Temwen Zeova

I osi disponib lo www.pr418.com

[Portre lo paz 16]

Lekel ki ti esey tant Zezi pour fer sa ki mal?​—Matye 4:8-10