Nĩ ũndũ wa ndũire andũ kwenda gũikarania na thayũ, gũkorũo marĩ ehokeku, na atugi. Angĩkorũo nĩguo-rĩ, nĩ kĩĩ gĩgĩtũmaga gũkorũo kũiyũire ũhinya, wagi wa kĩhooto, na wĩki naĩ? Riboti cia mohoro ciĩgiĩ maũndũ ma gũtua nda nĩ cingĩhĩte. Hihi nĩ kũrĩ mũndũ ũrageria gũtindĩkĩrĩria andũ meke maũndũ moru?​—Thoma 1 Johana 5:19.

Hihi Ngai ombire andũ marĩ na mwerekera wa gwĩka maũndũ moru? Aca, Jehova Ngai ombire andũ na mũhianĩre wake, marĩ na mwerekera wa kwĩgerekania na wendo wake. (Kĩambĩrĩria 1:27; Ayubu 34:10) No ningĩ nĩ aaheire mũndũ wĩyathi wa gwĩthuurĩra. Rĩrĩa aciari aitũ a mbere maathurire gwĩka ũru, nĩ maaregire kwĩgerekania na Ngai, na magĩtuĩka andũ matarĩ akinyanĩru. Twagaire mwerekera wa kwĩhia kuuma kũrĩ o.​—Thoma Gũcokerithia Maathani 32:4, 5.

Ngai endaga twĩgirĩrĩrie mĩerekera iitũ mĩũru. (Thimo 27:11) Nĩkĩo atũrutaga ũrĩa tũngĩĩthema gwĩka ũru, na ũrĩa tũngĩgĩa na gĩkeno kĩa ma. No ihinda-inĩ rĩrĩ, tũtingĩhota kwĩgerekania na wendo wa Ngai na njĩra nginyanĩru.​—Thoma Thaburi 32:8.

O na gũtuĩka maũndũ moru nĩ maingĩhĩte mũno, Ngai ametĩkĩrĩtie kwa ihinda inini nĩguo andũ mone moimĩrĩro mamo moru. (2 Petero 3:7-9) O na kũrĩ ũguo, ica ikuhĩ thĩ nĩ ĩkũiyũrũo nĩ andũ marĩ na gĩkeno na mathĩkagĩra Ngai.​—Thoma Thaburi 37:9-11.