Malimbururo komapuro goBibeli
Kupi wa tundilira udona?
Yilye ga here kuzeda Jesus a rugane yoyidona?—Mateusa 4:8-10
Vantu kwa hara kuuyunga usili nokukara nombili nonkenda. Nye morwasinke ava ruganene ukorokotji noudona? Nombudi donondona kuzuvhaika. Kweli ogu a zeda vantu va rugane udona ndi?—Resa 1 Johanesa 5:19.
Jehova Karunga kwa sitire vantu va rugane udona ndi? Hawe, age kwa va sitire mosihwi sendi yipo va vhure kuhonena eharo lyendi. (Genesis 1:27; Joba 34:12) Nye Karunga ga pa vantu emanguruko lyokutura po matokoro gavene. Apa Adamu naEva va tulire po etokoro lyedona, awo kwa nyokere kuhonena Karunga makura tava zumbanesa eparu lyokusikilira mo. Ose kurugana udona morwa twa pinga nzo kwawo.—Resa Deuteronomium 32:4, 5.
Ngorooro ngau twikira udona ndi?
Karunga ana hara tu nyokere po kurugana udona. (Yisewe 27:11) Age kuturonga omu natu nyokera po kurugana udona ntani tu gwane ruhafo rousili. Posiruwo esi kapi tatu vhuru kuhonena nawa-nawa eharo lyaKarunga.—Resa Episarome 32:8.
Karunga kuna kupulisira udona morwa ana hara nkenye gumwe a limonene yitundwamo yononzo. (2 Peturusa 3:7-9) Nye ntaantani pevhu ngapa ka kare vantu wovawa wokulimburukwa Karunga.—Resa Episarome 37:9-11.
