Mvutu za Yuvu ya Nkand’a Nzambi
E mbi akweyi yatuka?
Nani wavava vukumuna Yesu kavanga e mbi?—Matai 4:8-10
Wantu bezolanga kala akwa luvuvamu, ziku ye ngemba. Ozevo, ekuma o wantu bevangilanga e mbi? Nkumbu miayingi tuwanga e nsangu za mambu ma ngemi mevangamanga. Nani ofilanga o wantu mu vanga e mbi? —Tanga 1 Yoane 5:19.
Nga Nzambi wasia makani mambi mu ntima mia wantu? Nkatu. Yave wa Nzambi wavangila o wantu muna mpw’andi. Muna mpila yayi balenda tanginina o zola kwandi. (Etuku 1:27; Yobi 34:10) Kansi, wabavana mpe o nswa wa kuyisolela. Vava mase meto mantete basola o vanga edi diambi, babembola Yave yo kituka asumuki. Wau vo mu yau twatuka, i dianu tuvangilanga e mbi.—Tanga Nsiku 32:4, 5.
Nga e mbi ke ifokoka ko?
Nzambi ozolele vo twavenganga o bi. (Ngana 27:11) Nzambi okutulonganga una tulenda vengela o bi ye una tulenda kadila ye kiese, kana una vo katulendi tanginina zola kwandi ko una ufwene.—Tanga Nkunga 32:8.
O unu, e mbi mu wokela kaka ina. Nzambi oyambulanga e mbi mu fikolo kimana wantu awonso bamona e mfwilu itwasanga. (2 Petelo 3:7-9) Fioti fisidi, o ntoto uzala yo wantu a kiese ana belemvokelanga Nzambi.—Tanga Nkunga 37:9-11.
Nanga Oyangalela Mpe Malongi Mama
MVUTU ZA YUVU YA BIBILA
Nga Nkadi Ampemba Una Kieleka?
Nga Nkadi ampemba i mbi ina muna kati kwa wantu yovo muntu kieleka?
