Ifyasuko ku Fyakwipusha fya mu Baibolo
Kani cindo icilengesha bumbifi?
Mu cifyalilwa lukoso, abantu balafwayo’kuba aba mutende, aba bucine, kabili aba nkumbu. Pano, nindo kubelele ulukansa ne musalululo? Tulomfwe’fibipile ifilukucitika mu fyalo ifingi. Kani kuli uulukulengesha abantu ukulukucite’fibipile?—Pendeni 1 Yoane 5:19.
Kani baLesa baalilengele abantunshi ne mutima wa kufwaisha ukucite’fibipile? Koku! BaYawe baalilengele abantunshi mu cipasho cabo. Ici cilukwalula ati balibalengele ne makosa akutuntulule’mibelo yabo iya butemwe. (Ifyakutanga 1:27; Jobo 34:10) Nakabili, baLesa baalipeele abantunshi amakosa akulisalila ifi balukufwayo’kucita. Ili abafyashi besu aba kutanga babifishe, balikeene ukutuntulula imibelo ya baLesa iiweme. Popele balibele abakubulo’kuwaminina. Twalipyene ukubifya ukufuma kuli bo.—Pendeni Ndutelonomi 32:4, 5.
Kani bumbifi bukalukuliko inshiku shonse lukoso?
BaLesa balafwaya fwebo ukuleko’kulanguluka ifibipile. (Ifisimpi 27:11) Na muli fyefyo, balatufunda ifi tungacita pakweba ati twilukucite’fibipile ne fyakusangana ukusangalala kwa cinenene. Pano, buno bukumo tekuti tutuntululepo ubutemwe bwa baLesa mu kuwaminina.—Pendeni Amasamo 32:8.
Nangaba ati bumbifi bulifulile makosa, baLesa balibusuminishe pa mpindi inini pakweba ati abantu babone ifibipile ififumamo. (2 Petilo 3:7-9) Nangabe’fyo, bukumo lukoso, mu calo mukalukwikala abantu abasangalele kabili abomfwila baLesa.—Pendeni Amasamo 37:9-11.