Vihula VyamuMbimbiliya Vakumbulula
Upi weji kufumanga kulihi?
Iya esekele yesu alinge vyuma vyavipi?—Mateu 4:8-10
Kakavulu vatu vasaka kutwama navakwavo mukuunda, nakupwa vakashishi, valikoji. Jino mwomwo ika kwapwila ulyanyi, naukenya, navilinga vyakuhengesa chiyulo? Mijimbu yayipi yinalisale chikuma. Uno kuli mutu umwe uze ali nakuzondola vatu valinge vyuma vyavipi tahi?—Tangenu WaYowano 1, 5:19.
Uno Kalunga atengele vatu namuchima wakulinga upi tahi? Nduma, Yehova Kalunga atengele mutu muchifwanyisa chenyi. Amutengele namuchima wakulondezeza zangi yenyi. (Kuputuka 1:27; Yopa 34:10) Oloze Kalunga atengele vatu namuchima wakulisakwila vavene vyakulinga. Omu visemi jetu vakulivanga vasakwile kulinga vyuma vyavipi, vakanyine kukavangiza chakutalilaho chaKalunga, ngocho vapwile jino vakuhona kukupuka mwosena. Nayetu twaswana muchima kanou wakufwila kulinga shili.—Tangenu Lushimbi lwamuchivali 32:4, 5.
Uno upi naupwangako lika tahi?
Kalunga asaka tulihende kumuchima wakufwila kulinga upi. (Vishimo 27:11) Ngocho eji kutunangulanga mwakulihendela kuupi namwakuwanyina kuwahilila chamwenemwene. Oloze muholyapwa katweshi kuhasa kulondezeza Kalunga mujila yakukupukako.—Tangenu Samu 32:8.
Numba tuhu oholyapwa upi unavulu chikuma, oloze Kalunga nawechelela hatando yayindende mangana vatu vosena vamone vyuma vyeji kufumangaho hakulinga upi. (WaPetulu 2, 3:7-9) Kalinwomu hamavu hazale navatu vakuwahilila vaze veji kwononokanga Kalunga.—Tangenu Samu 37:9-11.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Uno Liyavolo Kwatwama Chikupu Tahi?
Uno Liyavolo apwa kaha vilinga vyavipi vize vyatwama mumichima yavatu tahi, nyi apwa mutu nahenyi?
