Normalmente, hende kier ta honesto, trankil y amabel. Dicon tin violencia, inhusticia y crueldad anto? Tur dia nos ta tende y wak noticianan hopi malo. Tin un persona cu ta purba di pone hende haci malo?—Lesa 1 Juan 5:19.

Acaso Dios a crea hende cu mal inclinacion? No, Jehova Dios a crea hende segun su imagen, pesey nan tin e capacidad pa imita su amor. (Genesis 1:27; Job 34:10) Pero tambe el a duna hende libertad pa dicidi pa nan mes. Nos prome mayornan a scoge pa desobedece Dios, pues nan no a sigui su ehempel, y como consecuencia, nan a bira imperfecto. Nos a hereda e tendencia di peca for di nan.—Lesa Deuteronomio 32:4, 5.

Dios kier pa nos domina nos mal inclinacionnan. (Proverbionan 27:11) Pesey e ta siña nos con pa evita di haci malo y con pa haya berdadero felicidad. Pero actualmente, nos no por imita Dios su amor perfectamente.—Lesa Salmo 32:8.

Unda cu bo bira tin maldad, pero Dios ta permiti esaki pa un tempo cortico so. Dicon e ta permiti esaki? Pa tur hende haya un oportunidad pa mira e consecuencia. (2 Pedro 3:7-9) Pero pronto full e Tera lo ta yen di hende feliz cu ta obedece Dios.—Lesa Salmo 37:9-11.