Ni pi sajra kayta, nitaj llullakuyta munanchejchu. Jinapis, ¿imaraykutaj mana allin ruwaykuna, sajra ruwaykunataj tiyan? Sapa pʼunchay uyarinchej sajra willaykunallata. ¿Pitaj juchayoj sajra kajta runas ruwanankupaj? (1 Juan 5:19 leey.)

Diosqa mana sajra kajta ruwananchejpajchu ruwawarqanchej. Astawanpis mana juchayojta, payman rijchʼakojtataj ruwawarqanchej. Pay jinataj munakuyta atinanchejpaj jina (Génesis 1:27; Job 34:10). Chantapis allin kajta ajllayta atinanchejpaj jina ruwawarqanchej. Adanwan Evawanqa, Diosta mana kasukorqankuchu, sajra kajtataj ruwarqanku. Chaymantapacha juchasapasman tukorqanku. Wawasninkumantaj chayta herenciata jina saqerqanku. (Deuteronomio 32:4, 5 leey.)

Diosqa munan manaña sajra kajta ruwananchejta (Proverbios 27:11). Kʼacha runas kanapajtaj yanapawanchej. Yanapachikusun chay, Pay jinataj ruwasun chayqa, kusisqa kasun. Jinapis kay tiempopeqa imapipis pantasunpuni. (Salmo 32:8 leey.)

Diosqa, sajra ruwayta saqerqa, mana allinchu kasqanta reparananchejpaj. Jinapis mana wiñaypajchu saqenqa (2 Pedro 3:7-9). Tumpamantawan Jallpʼapeqa Diosta kasukojkuna kausakonqanku, pikunachus kʼachas, kusisqastaj kanqanku. (Salmo 37:9-11 leey.)