Mana alli o rumi shonqu këtaqa manam pipis munantsu, mas bien alli këtam munantsik. Tsëqa, ¿imanirtaq alläpa maqanakï, wanutsinakï y mana alli rurëkuna kan? Alläpa llakikïpaqmi llapan junaqkuna noticiakunata rikanqantsikqa. ¿Pitaq yanapëkan nunakuna mana allikunata rurayänampaq? (Leyi 1 Juan 5:19.)

¿Diosku kamamarquntsik mana alli rurë munëyoqta? Manam. Pëqa kikin rikoq kuyakoqtam kamamarquntsik (Genesis 1:27; Job 34:10). Y imatapis kikintsik akranapaqmi jaqimarquntsik. Punta teytantsikkunaqa Diosta mana wiyakurmi mana allita rurayänampaq akrayarqan. Tsë höram jutsannaq këninkunata oqrariyarqan. Y wamrankunatapis jutsankunatam muyayashqa. (Leyi Deuteronomiu 32:4, 5.)

Diosqa munan mana alli rurënintsikkunata vencinatam (Proverbius 27:11). Y alli nuna kanapaqmi consejamantsik. Mandamanqantsikkunata wiyakur y imanö këninta qatirqa, kushishqa kawakïtam puëdintsik. Peru manam llapanchötsu qatita puëdishun. ¿Imëpis tsënöllatsuraq kanqa? (Leyi Salmu 32:8.)

Diosqa mana alli rurëkunata permitishqa, imaman chätsikunqanta cuentata qokunapaqmi. Peru tsëtaqa ushakäratsinqam (2 Pëdru 3:7-9). Ichikllachönam Dios munanqanta ruraq nunakuna entëru Patsachö kawayanqa. (Leyi Salmu 37:9-11.)