Wĩrutanĩrie Gũthakaria Paradiso ya Kĩĩroho
“Handũ harĩa hakinyagwo na magũrũ makwa nĩngahathakaria.”
NYĨMBO: 102, 75
1, 2. Thĩinĩ wa Maandĩko ma Kĩĩhibirania kiugo “gĩturũa kĩa magũrũ” kĩhũthĩrĩtwo atĩa?
JEHOVA NGAI oigĩte ũũ: “Igũrũ nĩrĩo gĩtĩ gĩakwa kĩa ũnene, nayo thĩ nĩyo gĩturũa gĩakwa kĩa magũrũ.” (Isa. 66:1) Naguo ũhoro-inĩ wĩgiĩ ‘gĩturũa gĩake kĩa magũrũ’ oigire ũũ: “Handũ harĩa hakinyagwo na magũrũ makwa nĩngahathakaria.” (Isa. 60:13) Ekaga ũguo na njĩra irĩkũ? Na ũndũ ũcio ũtũhutĩtie atĩa tondũ tũikaraga ‘gĩturũa-inĩ kĩa magũrũ’ ma Ngai?
2 Makĩria ma gwĩta thĩ “gĩturũa kĩa magũrũ,” kiugo kĩu ningĩ nĩ kĩhũthĩrĩtwo na njĩra ya mũhaano thĩinĩ wa Maandĩko ma Kĩĩhibirania kwaria ũhoro wa hekarũ ya tene ĩrĩa yahũthagĩrũo nĩ Aisiraeli. (1 Maũ. 28:2; Thab. 132:7) Hekarũ ĩyo nĩyo yarĩ gatũũrũ ka ũthathaiya wa ma gũkũ thĩ. Nĩ ũndũ ũcio, yarĩ kĩndũ gĩthaka mũno maitho-inĩ ma Jehova, na nĩ yatũmaga gĩturũa kĩa magũrũ make gĩkorũo na riri.
3. Hekarũ ya Ngai ya kĩĩroho nĩ kĩĩ, na yaambĩrĩirie rĩ?
3 Mahinda-inĩ maya gatũũrũ ka ũthathaiya wa ma ti hekarũ yakĩtwo gũkũ thĩ, ĩndĩ nĩ hekarũ ya kĩĩroho ĩrĩa ĩrehagĩra Jehova riri mũingĩ gũkĩra mwako o wothe wakĩtwo nĩ andũ. Hekarũ ĩyo nĩ mũbango ũrĩa ũhotithagia andũ kũiguithanio na Ngai kũgerera ũthĩnjĩri-Ngai na igongona rĩa Jesu Kristo.
4, 5. (a) Thaburi 99 itaaragĩria atĩa wendi mũnene ũrĩa ndungata cia Jehova ikoragwo naguo? (b) Nĩ kĩũria kĩrĩkũ twagĩrĩirũo nĩ kwĩyũria?
4 Nĩ tũcokagĩria Jehova ngatho mũno nĩ ũndũ wa mũbango wake wa hekarũ ya kĩĩroho, na njĩra ya kũmũgooca na kũmenyithia andũ rĩĩtwa rĩake. Ningĩ nĩ tũmũgoocaga nĩ ũndũ wa gũtuonia tha ciake kũgerera igongona rĩa ũkũũri. Na githĩ ti gĩkeno kĩnene mũno kũmenya atĩ ũmũthĩ makĩria ma Akristiano a ma milioni inyanya nĩ marathiĩ na mbere kũgoocithia Jehova! Ngũrani na arũmĩrĩri amwe a ndini arĩa meciragia atĩ makagooca Ngai rĩrĩa makoima gũkũ thĩ mathiĩ igũrũ, Aira a Jehova othe nĩ mamenyaga atĩ magĩrĩirũo nĩ kũmũgooca rĩu na marĩ o gũkũ thĩ.
5 Gũkĩrĩ ũguo, tũrũmagĩrĩra kĩonereria kĩa ndungata njĩhokeku cia Jehova iria igwetetwo thĩinĩ wa Thaburi 99:
GŨKŨŨRANA ARĨA MATUNGATAGĨRA THĨINĨ WA HEKARŨ YA NGAI YA KĨĨROHO
6, 7. Nĩ ũndũ ũrĩkũ woimĩrire kĩũngano-inĩ kĩa Akristiano a tene, na gwathire atĩa mĩaka magana maigana ũna thutha ũcio?
6 Kĩndũ hakuhĩ mĩaka igana rĩmwe thutha wa kĩũngano gĩa Gĩkristiano kwambĩrĩria, nĩ kwaambĩrĩirie kũgĩa na ũregenyũki o ta ũrĩa kwarathĩtwo. (Atũm. 20:28-30; 2 Thes. 2:
7 Gũkinyĩria mwaka wa 1919, arĩa meetĩkĩrĩkĩte nĩ Jehova na maatungatagĩra hekarũ-inĩ yake ya kĩĩroho nĩ maamenyekire wega. Nĩ maatheretio kĩĩroho nĩguo ũtungata wao harĩ Jehova wĩtĩkĩrĩke makĩria. (Isa. 4:
8, 9. “Paradiso” ĩrĩa Paulo onire thĩinĩ wa kĩoneki ĩngĩkorũo ĩrũgamĩrĩire maũndũ marĩkũ matatũ?
8 Kĩoneki kĩu kĩa Paulo kĩrĩ thĩinĩ wa 2 Akorintho 12:
9 Nĩ kĩĩ gĩagĩtũmire Paulo oige atĩ ‘aaiguire ciugo itangĩario na itetĩkĩrĩtio kũgwetwo nĩ mũndũ’? Rĩu rĩtiarĩ ihinda rĩake rĩa gũtaarĩria maũndũ mothe marĩa onete kĩoneki-inĩ kĩu kĩa magegania. No ũmũthĩ nĩ twĩtĩkĩrĩtio kwaria ũhoro wa irathimo iria andũ a Ngai makoragwo nacio.
10. Hihi “paradiso ya kĩĩroho” na “hekarũ ya kĩĩroho” irũgamĩrĩire kĩndũ kĩmwe? Taarĩria.
10 Ithuĩ Aira a Jehova nĩ tũhũthagĩra ciugo “paradiso ya kĩĩroho” maita maingĩ. Ciugo icio cionanagia ũkuruhanu wa mwanya ũrĩa tũkoragwo naguo hamwe na Ngai, na aarĩ na ariũ a Ithe witũ. Nĩ ũndũ ũcio, “paradiso ya kĩĩroho” na “hekarũ ya kĩĩroho” itirũgamĩrĩire kĩndũ kĩmwe. Hekarũ ya kĩĩroho nĩ mũbango wa Ngai wa ũthathaiya wa ma. Nayo paradiso ya kĩĩroho yonanagia andũ arĩa metĩkĩrĩkĩte nĩ Ngai na maramũtungatĩra mahinda-inĩ maya, hekarũ-inĩ yake ya kĩĩroho.
11. Nĩ gĩtĩo kĩrĩkũ tũrĩ nakĩo ũmũthĩ?
11 Na githĩ ti gĩkeno kĩnene kũmenya atĩ kuuma 1919 Jehova akoretwo akĩrutithania wĩra na andũ matarĩ akinyanĩru harĩ gũkũria, gwĩkĩra hinya, na gũtheremia paradiso ĩyo ya kĩĩroho thĩinĩ wa thĩ! Hihi wee nĩ ũnyitanagĩra harĩ kũruta wĩra ũcio wa bata mũno? Hihi nĩ ũiguaga ũrĩ na wendi mũnene wa gũthiĩ na mbere kũrutithania wĩra hamwe na Jehova harĩ kũmũgoocithia gũkũ thĩ?
ITHONDEKA RĨA JEHOVA RĨTHIAGA O RĨGĨTHAKARAGA
12. Tũmenyaga atĩa atĩ ũrathi wa Isaia 60:17 nĩ ũhingĩte? (Rora mbica kĩambĩrĩria-inĩ gĩa gĩcunjĩ gĩkĩ.)
12 Mogarũrũku ma magegania marĩa makoretwo magĩkĩka ithondeka-inĩ rĩa Jehova gũkũ thĩ nĩ maarathĩtwo thĩinĩ wa Isaia 60:17. (Thoma.) Andũ ethĩ na arĩa merutĩte ũhoro wa ma ica ikuhĩ nĩ mathomete, kana makaigua ũhoro wa mogarũrũku macio kuuma kũrĩ andũ angĩ. No nĩ kũrĩ aarĩ na ariũ a Ithe witũ meyoneire mogarũrũku macio ma magegania! Nĩkĩo aarĩ na ariũ a Ithe witũ acio matakoragwo na nganja o na hanini atĩ Jehova nĩwe ũtongoragia ithondeka rĩake kũgerera Mũthamaki ũrĩa athurĩte. Tũngĩmathikĩrĩria magĩtaarĩria maũndũ marĩa meyoneire, wĩtĩkio witũ harĩ Jehova no wĩkĩrũo hinya makĩria.
13. Kũringana na Thaburi 48:
13 O na angĩkorũo tũtikoretwo ithondeka-inĩ rĩa Jehova ihinda iraya, nĩ twagĩrĩirũo kwĩraga arĩa angĩ ũhoro warĩo. Gũkorũo kũrĩ na paradiso ya kĩĩroho thĩinĩ wa thĩ ĩno njũru, ĩrĩ na ungumania, na ĩtarĩ na wendo nĩ kĩama. Maũndũ ma magegania megiĩ ithondeka rĩa Jehova kana “Zayuni,” na ũhoro wa ma wĩgiĩ paradiso ya kĩĩroho, no mũhaka tũmakinyĩrie “rũciaro rũrĩa rũĩ thutha.”
14, 15. Nĩ mogarũrũku marĩkũ meekirũo mĩaka-inĩ ya 1970, na ithondeka rĩa Jehova rĩgunĩkĩte atĩa?
14 Kwa ihinda rĩa mĩaka mĩingĩ, arĩa akũrũ gatagatĩ-inĩ gaitũ nĩ meyoneire mogarũrũku mamwe ithondeka-inĩ rĩa Jehova marĩa matũmĩte ũthaka warĩo gũkũ thĩ wongerereke. Nĩ maririkanaga rĩrĩa o kĩũngano gĩatongoragio nĩ mũthuri ũmwe handũ ha kĩama gĩa athuri, rĩrĩa wabici cia honge ciarũgamagĩrĩrũo nĩ mũrũ wa Ithe witũ ũmwe handũ ha Kamĩtĩ ya Wabici ya Rũhonge, na rĩrĩa ũtongoria waheanagwo nĩ mũrũgamĩrĩri wa Watch Tower Society handũ ha Kĩama Kĩrĩa Gĩtongoragia kĩa Aira a Jehova. O na gũtuĩka ariũ a Ithe
witũ acio nĩ maarĩ na ateithĩrĩria, mũndũ ũmwe tu nĩwe wehokeirũo gũtua matua thĩinĩ wa ciũngano, wabici-inĩ cia honge, na wabici-inĩ nene ya Aira a Jehova. Mĩaka-inĩ ya 1970 nĩ gwekirũo mogarũrũku. Handũ ha mũndũ ũmwe gũkorũo agĩtongoria maũndũ, ikundi cia athuri nĩcio ciambĩrĩirie gũtongoria.15 Hihi mogarũrũku macio nĩ makoretwo na ũguni? Nĩ makoretwo na ũguni tondũ meekirũo kũringana na ũtaũku wa Maandĩko. Ithondeka nĩ rĩkoretwo rĩkĩgunĩka kuumana na ngumo nyingĩ njega cia athuri arĩa othe Jehova athurĩte marĩ “iheo,” handũ ha ũtongoria wa mũndũ ũmwe.
Jehova nĩ arahe andũ kũndũ guothe ũtongoria ũrĩa marabatara (Rora kĩbungo gĩa 16, 17)
16, 17. Nĩ mogarũrũku marĩkũ ma ica ikuhĩ magũkenagia, na nĩkĩ?
16 Ta wĩcirie mogarũrũku marĩa mekĩtwo mabuku-inĩ maitũ ica ikuhĩ. Na githĩ tũtikenaga mũno tũkĩheana mabuku na ngathĩti iragucĩrĩria na thaka na irarĩrĩria maũndũ andũ mangĩhũthĩra ũtũũro-inĩ! Ningĩ ta wĩcirie ũrĩa tũrahũthĩra tekinolonjĩ kũhunjia ũhoro ũrĩa mwega. Kwa ngerekano, andũ aingĩ mũno nĩ maragunĩka nĩ website ya jw.org. Mogarũrũku macio mothe monanagia ũrĩa Jehova endete andũ.
17 Ningĩ nĩ tũgunĩkaga nĩ ũgarũrũku ũrĩa wekirũo harĩ mĩcemanio itũ nĩguo tũgĩe na mahinda ma Ũthathaiya wa Famĩlĩ kana wĩruti wa mũndũ kĩũmbe. Ningĩ nĩ tũkenagio nĩ mogarũrũku marĩa mekĩtwo harĩ tabarĩra cia igomano citũ. Igomano icio nĩ ta ithiaga ikĩagĩraga makĩria o mwaka. Makĩria ma ũguo, nĩ tũkenaga mũno nĩ gĩthomo kĩrĩa tũheagwo thĩinĩ wa cukuru nyingĩ iria ikoragwo ithondeka-inĩ rĩa Jehova. Mogarũrũku macio mothe monanagia
wega atĩ Jehova nĩwe ũratongoria ithondeka rĩake na nĩ egũthiĩ na mbere gũtũma paradiso ya kĩĩroho ĩthakare makĩria.ŨNGĨNYITA ITEMI ATĨA HARĨ GŨTHAKARIA PARADISO YA KĨĨROHO?
18, 19. Itemi riitũ nĩ rĩrĩkũ harĩ gũthakaria paradiso ya kĩĩroho?
18 Nĩ gĩtĩo kĩnene Jehova atũheete gĩa kũnyita itemi harĩ gũthakaria paradiso itũ ya kĩĩroho. Tũnyitaga itemi rĩu rĩrĩa tũrahunjia na kĩyo ũhoro mwega wa Ũthamaki na gũtua andũ arutwo. Rĩrĩa rĩothe twateithia mũndũ eyamũrĩre Jehova, tũkoragwo tũkĩaramia paradiso ya kĩĩroho.
19 Ningĩ no tũkorũo na itemi harĩ gũthakaria paradiso itũ ya kĩĩroho na njĩra ya gũthiĩ na mbere gũkũria ngumo cia Gĩkristiano. Gwĩka ũguo gũtũmaga paradiso ya kĩĩroho ĩgucĩrĩrie andũ angĩ. Makĩria ma ũmenyo ũrĩa tũkoragwo naguo wa Bibilia, kaingĩ mĩtugo itũ mĩtheru na thayũ ũrĩa tũkoragwo naguo nĩcio ciambaga kũgucĩrĩria andũ ithondeka-inĩ, na kũrĩ Ngai na Kristo.
No ũkorũo na itemi harĩ kwaramia paradiso ya kĩĩroho (Rora kĩbungo gĩa 18, 19)
20. Kũringana na Thimo 14:
20 No mũhaka akorũo Jehova na Jesu nĩ makenaga mũno rĩrĩa marona ũrĩa paradiso itũ ya kĩĩroho ĩthakarĩte! Gĩkeno kĩrĩa tũgaakorũo nakĩo tũgĩthondeka thĩ ĩtuĩke paradiso, gĩgaakorũo kĩrĩ kĩnene mũno kĩringithanĩtio na kĩrĩa tũkoragwo nakĩo ũmũthĩ tũgĩthakaria paradiso ya kĩĩroho. Nĩ wega tũririkanage Thimo 14:35, ĩrĩa yugaga ũũ: “Mũthamaki aagagĩrĩra mũtungati ũrĩa ũthondekaga maũndũ na ũũgĩ.” Rekei hĩndĩ ciothe tũhũthagĩre ũũgĩ rĩrĩa tũrerutanĩria gũthakaria paradiso ya kĩĩroho!