Ел саен без йөзләгән миллион Изге Язмаларны һәм шул китапка нигезләнгән басмаларны бастырып таратабыз. Без бөтен дөнья буенча филиаллар белән типографияләрне төзибез һәм аларны тиешле хәлдә саклыйбыз. Дистәләгән мең җыелыш гади, шул ук вакытны матур гыйбадәт кылу урыннарында, ягъни Патшалык Залларында, үз очрашуларын үткәрә. Боларның барысына акча кайдан килә?

Безнең эшебезнең чыгымнары ирекле иганәләр белән генә каплана (2 Көринтлеләргә 9:7). 1879 елгы «Күзәтү манарасы»ның икенче чыгарылышында болай дип әйтелгән булган: «„Сион күзәтү манарасы“ның бастырып чыгарылуын [хәзер бу журнал «Күзәтү манарасы» дип атала] ЙӘҺВӘ үзе фатихалый, шуңа күрә без кешеләрдән ярдәм итүләрен беркайчан үтенмәячәкбез дә, сорамаячакбыз да». Без әле дә үз сүзебезгә тугры.

Иганәләрне берәр филиалыбызга турыдан-туры җибәреләр яисә Патшалык Залындагы иганәләр тартмасына салалар. Ләкин без беркайчан да керемнең уннан бер өлешен түләмибез һәм хезмәтебез белән басмаларыбыз өчен акча сорап йөрмибез. Вәгазьләп йөрүебез, җыелышта өйрәтүебез, гыйбадәт кылу урыннарын төзүдә катнашуыбыз өчен без акча алмыйбыз. Гайсә пәйгамбәр: «Бушлай алдыгыз — бушлай бирегез»,— дигән бит (Маттай 10:8). Филлиалларыбызда һәм төп идарәбездә хезмәт итүчеләр, шул исәптән Йәһвә Шаһитләренең бөтендөнья Җитәкче советының әгъзалары бушлай хезмәт итә.

Ирекле иганәләр шулай ук афәтләрдән зыян күргәннәргә булышыр өчен кулланыла. Беренче гасырдагы мәсихчеләр авыр вакытлар кичергән имандашларына теләп иганәләр җыйганнар (Римлыларга 15:26). Без дә афәтләрдән зыян күргәннәр турында кайгыртабыз: аларның йортларын, гыйбадәт кылу урыннарыбызны ремонтлыйбыз һәм кардәшләребезне ризык, кием һәм дарулар белән тәэмин итеп торабыз.