Sëmbë sabi u ku di peleikiwooko di u ta du a hii goonliba. U nango peleiki da dee sëmbë a de pisi, u ta peleiki a kamian ka hia sëmbë ta pasa, söseei a hii kamian ka u sa feni sëmbë. Faandi mbei u ta du di soni aki?

Jehovah Kotoigi ta peleiki u tja gafa ko da di në u Gadu, söseei de ta peleiki u mbei sëmbë ko sabi di në fëën (Hebelejën 13:15). U kë du di soni di Jesosi bi piki u. A bi piki u taa: „Un musu ta waka a dee köndëköndë u goonliba ta paaja di buka u mi da hii sëmbë, be de bia ko dë bakama u mi kuma unu. . . . Nöö un musu ta lei de u de piki hii dee soni tuu dee mi manda unu fuun musu ta du kaa.”​—Mateosi 28:19, 20.

Söseei u ta peleiki u di u lobi woto sëmbë (Mateosi 22:39). Wë, u sabi taa gaansë u sëmbë abi de biibi, nöö na hii sëmbë lobi di buka di u ta paaja. Tökuseei u sabi taa dee soni di Bëibel ta lei, ta tjubi sëmbë libi. Fëën mbei leti kuma dee Keesitu sëmbë u di fosu jaahöndö, sö nöö useei ta „konda di Bunu Buka da lanti taa Jesosi hën da di Paamusi Könu di Masa Gadu bi o manda ko”.​—Tjabukama 5:41, 42.

Gaansë u dee sëmbë dee ta lesi dee buku fuu an dë Jehovah Kotoigi. Nöö dee milionmilion sëmbë dee u ta lei soni u Bëibel da sëmbë u woto keiki. Tökuseei de ta tei ën u bigi taa Jehovah Kotoigi ta ko lei de soni u Bëibel.

U dë seiki taa woto soni u Jehovah Kotoigi dë di i bi o kë sabi. Wë i sa ko sabi dee soni dë ee i

• Hakisi wan Jehovah Kotoigi.

• Go a di website fuu www.pr418.com.

• Go a dee komakandi fuu, ka hii sëmbë sa go söndö u de paka wan möni u go a dendu.